CLEAN Blog – 鐵匙羹會破壞蜜糖嘅份子嗎?

大家都有飲蜜糖水或食蜜糖既習慣嗎?因為多數人都覺得飲用蜜糖對身體有好多好處,原因係蜜糖含有好多種既維他命,酚類,糖,酶和類黃酮等,而經過研究呢d種種既營養成份都會為我地身體帶來好處如:

  • 降低心臟病或改善血管性問題
  • 增加好膽固醇量,降低三酸甘油
  • 外膚可有助燒傷或其他傷口復原
  • 降低血壓
  • 等等。。。

但同時蜜糖亦含有微弱嘅酸性,例如:檸檬酸,醋酸,丁酸,蘋果酸等等.所以有資料顯示如果當呢d酸性係『長時間』同金屬器皿接觸後會令蜜糖變質甚至產生有害物質。但講緊既係長時間接觸先有可能發生以上問題。而早前電視亦播出過由香港大學化學系副教授指出當蜜糖同不銹鋼匙羹接觸係唔會有任何化學反應的。

但當然,由於一般好難知道該金屬匙羹係由邊d金屬組成,所以用木制既匙羹或蜜糖棒黎取出蜜糖會較為安心。但提提大家高溫會令蜜糖大部分既營養成分遭受破壞,所以當飲用蜜糖時應避免用高溫水或烘焙哦。

另外亦建議大家好好愛惜珍貴既蜜糖,因為蜜蜂們為人類帶來咁有營養既珍貴補健食材。

發表迴響

你的電子郵件位址並不會被公開。 必要欄位標記為 *