CLEAN Blog – 點解有d洗頭水可以令頭髮變得好順滑同有光澤?

有時見到d洗頭水廣告個女主角把頭髮撥來撥去好似好柔軟咁,拍到咁吸引所以都會忍唔住手都會買返支試下,試過洗完又真係都幾順滑下。但點解早上用咗呢類洗頭水後下午就會開始成個頭油淋淋咁既?

其實順滑同油淋淋既原因都係因為洗頭水裡既一種成份叫『矽油』或『矽靈』,當然唔係工業用既silicone啦,化妝品或護膚品用途既英文名稱叫Dimethicone、Dimethiconol、Amodimethicone或Cyclomethicone等,係產品成份內會見到,而呢類既成份都係屬於『矽靈』化合物。

原來d頭髮唔順甚至有時會『樹』起或者戟(音:kick)住梳唔到既原因係因為頭髮既毛麟唔順,好似『撐開晒』咁,而『矽靈』呢種成份會係頭髮上形成一層膜,所以會蓋過頭髮上既毛麟從而令頭髮變得順滑,而亦都因為咁所以能增加光澤,但由於部份人既頭皮係油性既,而『矽靈』又會係頭皮和頭髮形成一層膜,咁結果加埋d頭油咪變得更油淋淋咁囉。

其實呢種產品係化學合成品,雖然經過數個國家既研究都暫時未有指出會直接對皮膚或頭皮產生負面影響,但始終都係屬於化學產品,而且係需要日日用既情況下,所以都係建議用返d天然成份既洗髮水,減少使用化學合成物令頭皮和頭髮小d負擔,咁頭皮和頭髮慢慢會變得健康,出油情況少左,之後頭髮都會順滑返啦。

發表迴響

你的電子郵件位址並不會被公開。 必要欄位標記為 *