CLEAN Blog – 暗瘡皮膚可以用咩潔面產品?
我覺得生暗瘡嘅時候都真係幾煩人😢而暗瘡皮膚用嘅產品亦都要好小心,因為有某d成份會令到生暗瘡嘅問題惡化,但除咗護膚品我哋要小心之外,其實洗面乳嘅選擇亦都好緊要。今日小編會同大家分享一下暗瘡皮膚應該用咩洗面產品會較適合啦:
點解會生暗瘡?
暗瘡形成有好幾種原因,譬如係飲食習慣、生活習慣、角質層堆積過厚、荷爾蒙轉變、油脂分泌過多、細菌傳染等。。。 要避免生暗瘡嘅話就要改善以上情況,但如果皮膚一旦開始生暗瘡後,我哋就要好好咁護理,如果唔係就會有機會越生越多。
咁點解生暗瘡同洗面乳有關?
由於市面上有好多洗面乳或其他潔面產品都含有化學起泡劑(如SLS – 十二烷基聚氧乙醚硫酸鈉),而呢一類成份會令皮膚更加受刺激和敏感同埋會令皮膚即時會變得非常之乾燥,原因係該成份嘅清潔能力過強,令到皮膚嘅油脂完全被洗去,導致破壞左保護皮膚既保護層同埋減弱咗保濕嘅功能。
以上情況除咗會導致皮膚受到刺激外,因為皮膚越嚟越乾燥,所以身體會分泌更多嘅油脂來保護皮膚,導致一個惡性循環。從而令到生暗瘡嘅情況亦會惡化。
另外亦有一啲洗面乳帶有磨砂功能或微粒子,咁呢一類產品係洗面過程會有機會令暗瘡爆破,之後暗瘡細菌同洗面乳混合埋一齊,導致傳染面部其他嘅範圍亦會生暗瘡。
所以洗面乳嘅選擇對暗瘡皮膚亦都好重要,建議減少用化學起泡劑、化學性強既潔面產品,盡可能揀返一啲全天然成份嘅溫和洗面乳,因為產品既天然成份性質溫和帶有舒緩、抗炎、保濕的特性,所以亦都可以舒緩暗瘡問題。
- 激光護膚中心官網: www.cleanskincare.com.hk
- 激光護膚療程試做登記:www.cleanskincare.com.hk/trials.html
- Facebook: PM
- What’s app:請按此
- 電郵:info@cleanskincare.com.hk
- 電話:2628 3242
- We Chat:cleanskincare
- Line:cleanskincare
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.