CLEAN Blog - 點解補濕精華能夠補充皮膚水份？

維持良好膚質嘅一個主要因素就係水份，如果皮膚唔夠水份、減弱咗皮膚屏障功能咁就會出現種種唔同嘅皮膚問題，所以我哋要持續為皮膚補充水份；但點解補濕精華能夠補充水份，當中嘅水份又係邊度黎？以下就等小編我解釋下啦：

今次講嘅係『補濕』而唔係『保濕』哦，意思係為皮膚補充水份。當我地皮膚唔夠水份嘅時候就會出現皮膚乾燥、生暗粒、衰老、油脂分泌過多、毛孔粗大、色斑色素難以分解等問題。所以為皮膚補濕係護膚程序裏係非常重要哦。

點解護膚產品可以幫皮膚補濕呢？啲水份係邊度黎？

首先要知道我地皮膚本身都有自我補充水份既能力，因為我地身體會製造一啲叫NMF天然保濕因子嘅物質，係由數種唔同嘅成份組成，雖然聽個名好似好科學咁，但其中有3種大家會較常聽到嘅就係【甘油、玻尿酸（透明質酸），泛醇 (進入人體後就會轉化為維他命B5-泛酸)】。

而呢啲天然保濕因子主要功能係將空氣間嘅水份子吸收到我哋嘅皮膚裡面作補充水份，維持濕潤度，所以當空氣嘅濕度越低，我地皮膚相對亦會偏乾；但除咗空氣中嘅濕度問題，護膚程序亦會影響天然保濕因子嘅流失速度。

譬如過度洗面、去角質、角質層過乾過厚（缺乏滋潤）、新陳代謝率慢等等都會影響到天然保濕因子嘅流失速度，所以如果我哋要皮膚有足夠嘅補濕能力，咁就要補充多d呢d天然保濕因子或者用其他能夠幫我哋吸收水份子嘅成份哦。

如果大家見到補濕精華產品上既成份表裡面有甘油、玻尿酸（透明質酸）、泛醇（或者維他命B5）等嘅補濕成份而又排係較前嘅話，咁即係代表呢啲成份佔嘅比例較高，所以補濕能力亦相對較好；但當然亦要視乎產品嘅其他成份啦，建議多選用全天然成份嘅護膚品，如果有興趣想知更多有關天然成份嘅護膚品，可以進入我哋嘅天然護膚品網上專門店哦（按此進入）https://www.cleanskincares.com/ 留意首次登記成為免費會員即可使用9折網上購物券 + 購物滿$500即免運費哦！優惠券屬先到先得，快d把握機會啦🤩 。

註：成為免費會員後，【9折迎新優惠券】係登入後既會員後台裡面既【優惠券】選項裡面睇到，結賬時只需揀優惠券之後系統就有9折優惠了，方便易用 ☺️