CLEAN Blog什麼是防曬粉?

CLEAN SKINCARE對每位顧客建議每日出門前必須搽好防曬同埋有需要時要補搽防曬,如本身工作環境會被有太陽曬到和出汗較多的話當天就要補搽1至2次防曬霜,原因係如果皮膚不斷被紫外線照射的話係可以引起皮膚既不同問題,例如:長出色斑、暗瘡印難退、膚色不均、缺水乾燥、毛孔鬆弛、皮膚鬆弛、加速衰老、膚質變粗糙和長出皺紋等等。所以幾乎大部份既皮膚問題都同紫外線照射有關。
而防曬產品我地都會建議使用物理性防曬,因為化學性防曬霜既成份可能有機會刺激到皮膚而衍生其他問題,如果想知更多有關物理性同化學性防曬既分別可回顧:點解物理性防曬會比較笠?
但某部份顧客會問:可唔可以補防曬時用防曬粉代替防曬霜呢?因為擔心係化妝品上再搽防曬霜會好難推開同埋會整花個妝。另外搽防曬粉可以當補防曬和補妝嗎?
首先了解下防曬粉:一般係由二氧化鈦、氧化鋅、氧化鐵等礦物質混合其他物料而製成,而防曬能力一般都係黎自二氧化鈦Titanium dioxide、氧化鋅Zinc oxide。
但如果要用作防曬保護既話都係會建議用防曬霜,因為市面上既防曬粉雖然寫住有xxSPF防曬能力,但除非將大量粉末塗上皮膚上,厚厚地遮蓋到皮膚,否則防曬能力會因為唔能夠100%覆蓋皮膚而令防曬能力減弱,另外亦因為防曬粉不含油或水份,所以當流汗或面部出油時會令防曬粉甩掉。所以防曬粉最多可以作補妝用。
如果擔心係化妝品上再搽防曬霜會好難推開或會令到個妝花晒,建議將防曬霜放上手指上,兩邊分開,輕輕用拍打既方式印上面上,唔好用打圈既方法搽咁就可以避免個妝會花既情況哦,所以如果想好好保護皮膚避免紫外線既傷害就要做好防曬措施啦。
如果大家想了解自己既皮膚狀況,想知道自己既皮膚底層有冇色斑和膚質狀況等,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:按此登記
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

發表迴響

你的電子郵件位址並不會被公開。 必要欄位標記為 *