CLEAN Blog - 爽身粉的成份和作用 -

去泰國旅遊係香港人既最愛，小編我都非常鍾意去泰國玩，但唔知大家有冇留意到雖然當地天氣酷熱，每個人都行到身水身汗咁，但係又好少會聞到體汗臭味，就算係BTS（曼谷既交通工具之一）既車廂中人逼人既情況下都聞唔到，反而經常聞到既係爽身粉味，所以我就對爽身粉產生左好奇，究竟爽身粉可唔可以取代止汗劑，而一般既爽身粉都含有d咩成份？長期用對身體有冇影響呢？以下就等我將呢d資料分享俾大家啦。

爽身粉既成份一般係用滑石粉 (Talc) 同其他物料如香料、氧化鋅等黎合成既，而滑石係屬於天然礦物質既一種，其特質係非常柔軟，所以能磨製到非常細膩，塗上後可減少磨擦，產品有添加左滑石粉後會增加爽滑度，所以當搽係身上係會減少汗水、皮膚同衣服既黏貼度，從而減少汗水停留係衣服上而產生氣味。

但問題係呢種物質已被好多既研究實驗指出同癌症有一定既聯繫，尤其如果用係女性既生殖器官上更會增加患上卵巢癌既風險高達20至30%，因為滑石粉如未經過濾或過濾得唔夠徹底就會含有石綿成分，而某爽身粉公司亦因為爽身粉成份懷疑含有石綿，到現在為止約有9000宗的訴訟。

所以含有滑石粉既爽身粉是否能真正百分之百可以安全地使用，暫時係未能確定，而市面上有爽身粉係用粟米粉、澱粉等天然成份製成，但呢類粉既吸水能力較高，所以吸收汗水後要立即抹掉，否則會容易滋生細菌或引起炎症哦。

提提大家如有在使用含有滑石粉既爽身粉時要留意唔好吸入粉沫，因為微小既滑石粒子會有機會引起呼吸系統敏感哦。總結就係如果您屬於非常大汗既人，咁就建議使用非滑石粉成份既爽身粉，並隨身帶備多一件替換衣服同毛巾定時抹掉已吸收汗水既粉末，大家想止汗既同時都係以身體安全為第一先啦。

CLEAN SKINCARE 係一間專業皮膚護理中心同脫毛中心，主要為顧客改善皮膚問題並提供療程如激光去斑，激光去印，凹凸洞射頻治療等等，如果大家想了解自己既皮膚狀況，想知道自己既皮膚底層有冇色斑和膚質狀況等，歡迎用以下方式聯絡我們預約做一次免費既專業皮膚分析哦，另外我地中心亦為第一次光臨既顧客提供一次半價既激光療程試做，可在下面既連結了解更多和登記哦：

按此登記半價療程試做
即送1支30ml既B5/B3透明質酸哦