鬼剃頭既學名係斑禿,意思係局部性脫髮,通常係一個五蚊銀既大細,一般以男士比例較多,但現時女士個案亦逐漸增加,所以各位女士亦要多加注意哦。

但點解會出斑禿?

經研究顯示斑禿係同免疫力系統有關,由於免疫系統失調而導致攻擊頭皮毛囊,從而引起發炎、紅腫、甩皮等狀況,最後毛囊失去功能而甩髮,但呢種情況有機會自然好返,只要免疫力系統恢復正常就會慢慢好返。但始終都關免疫系統事,所以如果一出現突然甩髮甩得好多,髮型開始撐唔起(即係點梳都扁)既時候就要去求診了。

而壓力大會增加斑禿既機會?

係!因為當長期處於大壓力既情況下,身體既荷爾蒙分泌會開始失調,慢慢影響免疫力系統而出現斑禿,濕疹,色斑等狀況。除左壓力大會可能出現斑禿情況,另外如果睡眠不足,新陳代謝慢,飲食營養不均等等都會有機會引起斑禿哦。

如果真係發生斑禿情況,最重要係保持良好心情,唔好諗負面情形,及早求疹,咁對病情會有好大幫助而且亦會加快復原速度哦。如果想令頭皮更加健康,可參考呢篇『CLEAN Blog – 頭皮的保養』哦!

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

發佈留言

發佈留言必須填寫的電子郵件地址不會公開。 必填欄位標示為 *

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料