CLEAN Blog – 西柚的好處
好多人都會覺得西柚相比起其他生果冇咁好食，因為味道帶酸、澀、苦，但係其實西柚非常有益，今篇會先講下西柚既營養，之後再分享點食會變得好食。
西柚減肥法？
其實唔少人認為西柚可以減肥，但其實西柚既成份並沒有減肥既作用，亦冇燒脂既原素，只不過西柚可以增加飽肚感，所以通常建議餐前食一個西柚黎增加飽肚感，從而減少進食其他食物既量而達到減肥效果哦。
西柚含豐富既維他命C，一個西柚已經可以補充我地一日所需維他命C既5至7成既量，西柚係低卡而高纖維既生果，可以促進腸道蠕動，對改善便秘非常有效。另外亦有研究指出西柚含豐富既果膠，能改善膽固醇問題，而且亦有抗氧化功效。所以西柚係一種對身體非常好既水果。
但要留意西柚含類黃酮（poly-phenols）成分，呢種成份會令葯物濃度增加，即係本來食啱分量既葯劑但由於進食左西柚，所以會變成葯劑過量哦，所以食葯前後期間應避免進食西柚。
而食法一般可以打成果汁，比如西柚+紅菜頭+菠蘿，或者西柚+西洋菠菜+香蕉，非常好飲哦，或者可以直接加蜜糖食都得！
如果對飲食健康既文章有興趣可進入旁邊的連結查看更多哦：飲食資訊和對皮膚的好處
