CLEAN Blog – 攝取魚油丸前要注意的事項

大家有冇聽過魚油丸呢種補健品呢？好多人都知道成份中既Omega-3係可以改善血管同心臟問題，但今次講既唔係魚油丸既好處，反而係攝取魚油丸前要注意既事項。

首先大家購買魚油丸既時候一定要分清楚魚油丸（Fish oil）定係魚肝油丸（Fish liver oil），因為好多人都會見到包裝上有條魚就以為係魚油丸，而魚肝油丸只含少量Omega-3，主要係補充維他命A 同D，所以唔好買錯啊。

另外如果您剛進行完或將會進行手術，有痔瘡或其他大形傷口就唔建議食魚油丸，因為魚油有影響凝血功能，從而影響傷口復原情況或惡化出血情況哦。

最後如果家中長者正在服用抗凝血藥（亦即薄血丸）既話就要立即停止食魚油丸，因為抗凝血藥同魚油丸一齊進食就會有機會令血液過度稀釋，容易引致內出血和中風哦。

所以建議進食任何補健品前，都要先了解身體情況同該補健品既實質功效和副作用先好進食哦。如果想了解更多有關身體健康資訊，可參考『飲食資訊和對皮膚的好處』或『身體健康資訊分類』既文章哦。