CLEAN Blog – 菠菜的好處
好多朋友會認為菠菜係苦苦地，紫紫地色嗰隻，等等先。。要澄清一下紫紫地色嗰隻叫莧菜而唔係波菜哦。其實波菜既營養價值超高，今篇就分享俾大家作參考啦：
- 維他命A：保護眼晴既營養之一，可預防阻塞淚腺、乾眼症、結膜炎等。
- 維他命B1：幫助人體從食物製造能量，缺乏B1既人會比較遲鈍、記憶力變差、脾氣暴燥、胃口變差等。
- 維他命B2：當維他命B2同磷酸、蛋白質等結合成為黃素蛋白後，可預防口角炎、貧血、生痱滋和喉嚨痛等
- 維他命C：增強抵抗力、有助鈣質和鐵質既吸收、保護牙齒健康等。
- 鐵：係紅血球中主要成份之一，如果缺鐵既時候就會造成疲倦、暈眩、心跳加快、呼吸急促、虛弱或心悸、臉色蒼白等現象，從而令運動耐力、工作能力和免疫能力大大降低。
- 磷：身體內既重要礦物質之一，磷約佔體內4份之1既礦物質，係我地既骨骼同牙齒既主要成份，另外亦協助維持體液、血液的酸鹼平衡、幫助氧氣的運輸等，即係掌控住我地身體既運作機能。
- 鈣：主要係防止骨質疏鬆、保護牙齒健康。
- 胡蘿蔔素：如果身體需要維他命A時，身體就會從胡蘿蔔素轉化，而胡蘿蔔素除左會轉化成維他命A，當中既類胡蘿蔔素有抗氧化的功能，可預防癌症。
所以菠菜既好處非常多，而且鐵質亦算係高（100g有約2.1g既鐵質），但由於菠菜含有草酸及植酸，進食後會形成草酸鐵、植酸鐵，但消化系統唔會吸收草酸鐵，所以最後會被排出體外，導致沒法吸收鐵質，所以建議食用前用熱水灼一灼，咁就可以去掉大部份既草酸啦。但如果唔係為左補充鐵質，建議生食，咁就可以減少菠菜內既營養流失哦。
如果想知更多有關身體健康資訊，可遊覽我地既『身體健康資訊 – 連結請按』篇內既文章哦！
