如何改善缺鐵性貧血問題？
貧血有分如：缺鐵性貧血、地中海貧血、溶血性貧血等等，但一般女士如有貧血既話多數都會係缺鐵性貧血，今次呢篇文章會分享一下關於缺鐵性貧血既特徵和改善方法。
缺鐵性貧血既原因有好多，比如經期失血過多、鐵質攝取不足、慢性失血、突發性大量失血、鐵質吸收障礙等等都會引致缺鐵性貧血，而症狀一般會係體力明顯變差、經常頭暈、容易喘氣、臉色蒼白、容易疲倦等。
如果有以上情況，可先自我檢查，如眼底和牙齦底部發白或欠缺血色，咁好大機會就係缺鐵性貧血啦。但以上情況亦有可能由其他器官引起如心臟，所以都係建議去做一個抽血檢查和心臟檢查以確保身體安全。
如果確診係缺鐵性貧血，咁就可以從補健產品和天然食物補充：
- 肉類：牛肉，羊肉較多鐵質，之後雞和豬較少
- 海鮮類：蜆100g已有20g以上既鐵質，而牛肉每100g有約2-3g，另外有蠔、蝦等
- 植物類：黑木耳（即雲耳，係所有食品含鐵量最高，100g乾雲耳已有約97.4g既鐵質，但人體對植物鐵質吸收冇肉類吸收好，所以都係建議均勻飲食黎攝取鐵質）、菠菜（但要煮過，要用熱水去除菠菜內既草酸，因為草酸會阻止腸道吸收鐵質）、另外有枝豆等等
如果要讓身體吸收得更好，咁係補充鐵質前既1至2小時內唔可以飲咖啡、牛奶和茶，而且要多進食維他命C黎幫助吸收。
最後，如果要買鐵質補充保健品既話，咁就要留意有冇葉酸及維生素B12呢兩個成份，因為呢兩種元素都係幫助身體製造血紅素，咁有助加快改善缺鐵性貧血既情況。
如果身體長期都係處於貧血狀態或者未見任何改善，請盡快向醫生求診喔。如果想睇更多有關身體健康資訊，可回顧我地之前既文章喔（回顧請安此）。
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
