熱辣辣既夏天季節又黎了，大家係咪都策劃緊自己既運動修身大計呢？但咁耐都冇乜做運動，而家一做返之後隔日就酸痛到不得了，以前聽講係因為乳酸分泌然後堆積而引起，但經我既資料搜集後發現原來唔喺喎！😱

原來乳酸堆積既時候係當我地做d無氧運動時才會發生，比如舉重訓練，衝刺訓練等，因為無氧所以乳酸分解唔切所以就會有灼熱既感覺，但當您一停止咁乳酸就會即時開始分解，所以乳酸係唔會令肌肉隔日持續酸痛既。

而隔日持續酸痛既原因係該部位長久以來都冇活動過，所以當您一做運動時拉扯到該部位既肌肉，咁就會造成一d微傷口和發炎，如果係由於以上情況而出現酸痛既話，咁大概2至3日就會慢慢消失，但如果持續更久既時間或出現紅腫既話咁就代表有機會拉傷左肌肉，要立即向醫生求診哦。

點可以加快酸痛復原？

1. 運動後補充蛋白質：有助肌肉修復，吸收黃金時間係運動完後既2小時內
2. 按摩：有助血液循環，幫助肌肉修復
3. 適當地輕輕拉筋：幫助放鬆繃緊既肌肉，有助血液循環，幫助肌肉修復

酸痛時可以繼續做運動？

1. 如果您係好耐都冇運動既話，咁建議先休息2至3日，等酸痛感減少，慢慢等肌肉開始適應後先增加運動既次數
2. 如果本身都一直有運動既習慣，咁可以多元化地持續訓練，即係每日訓練既部位都唔同，咁就可以俾酸痛既部位休息但又持續運動啦

其實運動後會有酸痛既感覺係正常既，因為代表著肌肉會慢慢增加，但過量或勉強地去運動就會對身體造成負荷喔！大家可以多d留意自己既身體變化，一直保持身心健康啦！

CLEAN SKINCARE 一直努力寫不同既文章係因為想俾大家一個集中既美容健康飲食網站，隨時隨地都能夠好方便咁搵到自己想知既資料，而我地既護膚中心亦為大家公開所有療程價錢，提供一個透明既收費模式，讓大家安心，放心。另外我地亦為第一次光顧既客戶提供試做優惠，如想了解更多就㩒以下按鈕進入了解啦：

• Our website: www.cleanskincare.com.hk
• Facebook: PM
• What’s app: https://goo.gl/wk4XnS
• Mail: info@cleanskincare.com.hk
• Tel: 2628 3242
• We Chat: cleanskincare
• Line: cleanskincare 

免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．