CLEAN Blog – 皮膚起枕？ - 身體健康資訊

上一篇分享咗關於角質層同背部心口生暗瘡既關連，今次就講下關於皮膚起枕既原因和解決方法啦。

其實『枕』既正式稱呼係繭，常見既部位係腳前掌或腳踭位置，如果您有做開重力訓練，咁可能係手前掌既位置都有機會有。

主要原因係當係同一個位置受壓既情況下不斷磨擦，咁皮膚既保護機制就會啟動，角質細胞會一直堆積並且更新周期會變得更耐更慢，最後就會變成一舊厚厚既繭啦。如果想避免既話就建議：

減少著高踭鞋既次數
避免著太窄既鞋
避免著又硬又薄鞋底既鞋
選擇綿質既襪
做重力訓練時要帶手套等等

之後如果要去死皮就建議用較溫和既方法，因為如果用太刺激既方法（如大力用工具磨皮，用利器切走等）咁只會整走又再生返，所以建議先浸泡一陣，令該部位既繭軟化，之後可以用咖啡粉黎做磨沙或者用較粗質地既毛巾濕水，輕輕打轉擦走部份繭，另外加上補濕（比如用蘆葦補濕啫哩），令皮膚保持濕潤，加快新陳代謝令皮膚更新系統回復正常。

又或者可以選擇做果酸換膚療程去除繭既問題，但就建議一定要由專業既治療師去進行果酸換膚療程，切勿自己買家用版黎做，因為高濃度既果酸對皮膚係有一定既風險，如果控制不當，較嚴重會造成皮膚疼痛、敏感、紅腫、灼傷、甚至有破損造成傷口，令皮膚留下疤痕！

如果大家對果酸換膚有興趣想知更多或想知自己適合做邊種果酸，歡迎隨時預約一次30分鐘既免費皮膚分析，又或者可以直接登記首次果酸煥膚試做哦：

按此登記半價試做