膽固醇高與低係會直接影響我地既身體健康，所以呢次想同大家講下點解身體既膽固醇會增加，對身體有咩影響同埋點樣可以避免，為左身體健康，大家都一齊黎睇吓以下既文章啦

膽固醇既由來

膽固醇8成係由肝臟製造出黎既其中一種脂肪，另外2成係經由食物直接吸收既，而膽固醇主要存在係血液裡，所以點解膽固醇過高就會造成血管閉塞導致引發唔同既疾病。

我地成日都聽到膽固醇有分好膽固醇同壞膽固醇兩種，壞既膽固醇（低密度）係會積聚係血管壁從而造成冠狀動脈硬化及心臟病情況，而好既膽固醇（高密度）係將壞既膽固醇帶回肝臟代謝。但其實唔應該叫好與壞既膽固醇，因為低密度膽固醇係提供脂肪俾身體既其中一個途徑，所以身體亦唔可以無左佢，但只不過一旦過多就會變成有害，所以好與壞係視乎吸取量。

只要減少進食飽和脂肪既食物（如炸物，動物脂肪，高熱量快餐等），多進食高纖食物同埋奧米加3既食物加上持續運動，咁就可以令總膽固醇量處於係健康既指數內了。

膽固醇過多對皮膚既影響

當體內既膽固醇過多就有機會出現『黃瘤-Xanthelasma』（如下圖），主要會係眼皮上或眼角至眼袋位置，但亦可能出現係身體其他部位。出現黃瘤既原因係血液裡既含脂量（膽固醇）過高，所以積聚係眼既周邊（或皮膚下），而家族遺傳既病發率較高。當血脂降低後黃瘤亦會變得較扁平，但唔會完全消失，要進行療程（如激光，外科手術等）黎除去，所以當發現開始出現黃瘤既時候，咁就要注意飲食同埋睇皮膚科醫生黎處理黃瘤問題哦。

CLEAN SKINCARE 一直分享不同既文章係因為想俾大家一個集中既美容健康飲食網站，隨時隨地都能夠好方便咁搵到自己想知既資料，而我地既護膚中心亦為大家公開所有療程價錢，提供一個透明既收費模式，讓大家安心、放心。另外我地亦為第一次光顧既客戶提供試做優惠，如想了解更多就㩒以下👇🏼按鈕進入了解啦：

• Our website: www.cleanskincare.com.hk
• Facebook: PM
• What’s app: https://goo.gl/wk4XnS
• Mail: info@cleanskincare.com.hk
• Tel: 2628 3242
• We Chat: cleanskincare
• Line: cleanskincare 

免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．