CLEAN Blog – 頭髮都可以乾洗？
長髮既人士都會因為洗頭既次數關係而感到些許麻煩，但因為要注重衛生，所以想懶吓都唔得。但直到最近發現原來有得『乾洗』，簡直係難以置信！（但原來唔係新產品，只不果係我無用過啫，汗。。。），所以好今次就分享下乾洗係乜野黎啦。
其實應該稱為頭髮乾洗噴霧（Dry Shampoo）會較為貼切，而根據網上搵到既資料顯示，Dry Shampoo其實係1700年代已經有，但嗰時主要係用在假髮上，之後再係1940年就開始推出市場俾真髮用，主要係話俾一d突如其来既約會或節目用。而Dry Shampoo既原理係利用粉末既成份黎吸收頭髮上既油脂，令頭髮唔會蠟黐黐，增加蓬鬆既效果，另外加上香味黎蓋過異味。
現時好多都標榜係天然、手工等字眼既乾洗產品，而小編我就係網上搵到幾款較多人介紹既產品，之後睇下成份，發現雖然主要既成份一般有粟粉、木薯澱粉、蒙脫土（礦物質既一種）、燕麥仁細粉等，但除左呢d成份仲會另外加左好多化學物例如：酒精、混合化學香精（一般3種以上）、溶劑、防腐劑等。
而呢d化學物質會影響頭皮既健康比如導致生頭瘡、痕癢、過敏、甩頭皮等問題，嚴重既會甩頭髮添，所以建議大家都係避免使用呢種頭髮乾洗噴霧，如果真係好有需要用既話，咁就建議先查吓d成份，揀一款較為安全既產品黎用啦。但之後要用溫和既深層清潔洗髮產品將頭髮乾洗噴霧既成份洗乾淨哦。
CLEAN SKINCARE 一直分享不同既文章係因為想俾大家一個集中既美容健康飲食網站，隨時隨地都能夠好方便咁搵到自己想知既資訊，而我地既護膚中心亦為大家公開所有療程價錢，提供一個透明既收費模式，讓大家安心、放心。另外我地亦為第一次光顧既客戶提供試做優惠，如想了解更多就㩒以下按鈕進入了解啦：
- Our website: www.cleanskincare.com.hk
- Facebook: PM
- What’s app: https://goo.gl/wk4XnS
- Mail: info@cleanskincare.com.hk
- Tel: 2628 3242
- We Chat: cleanskincare
- Line: cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
