CLEAN Blog – 如何選擇潤唇膏？
最近天氣又轉涼了，濕度亦開始降低，嘴唇都開始感到乾燥，甚至有少許甩皮，如果唔用潤唇膏都幾難見人。。。有關護膚品同化妝品我地一直都分享唔少有關成份既心得，但潤唇膏既成份究竟有咩需要注意？今篇就分享俾大家知道啦。
潤唇膏既成份一般都係由蜂蠟、棕櫚蠟、油類等等製造（如乳木果油、荷荷芭籽油等。。。），之後就唔同既品牌有唔同既特別配方，比如會加維他命、防曬、唔同既香味或顏色。
但係選購潤唇膏既時候，請留意有冇以下既成份，如果有就建議揀其他：
- 礦物油（mineral oil）或石油（Petroleum）：雖然呢類既油對防止水份蒸發係頗有效，但就無任何既修復功能，甚至某些人會對呢類既化學油產生敏感
- 香料或色素：化學合成既香料或色素有機會造成敏感
- 化學防曬：化學物質防曬劑如甲氧基肉桂酸乙基己酯（ethylhexyl methoxycinnamate）已被歐盟歸類為潛在內分泌干擾物，其他既化學防曬成份亦有可能對身體造成影響，雖然還是在研究階段，但搽係嘴唇上點都有機會食到落肚，所以有此風險咁就應避免購買含有化學或化學防曬成份既潤唇膏
其實潤唇膏既主要功能係修復同滋潤過乾既嘴唇，所以只需要揀返d天然同無香料無色素既潤唇膏就夠，另外如果當季既潤唇膏用唔晒既話，咁就要丟掉，唔可以留去下一季喔，因為擺耐左會氧化同埋會滋生細菌喔。
CLEAN SKINCARE 一直分享不同既文章係想俾大家一個集中既美容健康飲食網站，隨時隨地都能夠好方便咁搵到自己想知既資訊，而我地既護膚中心亦為大家公開所有療程價錢，提供一個透明既收費模式，讓大家安心、放心。另外我地亦為第一次光顧既客戶提供試做優惠，如想了解更多就㩒以下👇🏼按鈕進入了解啦：
- 官網: www.cleanskincare.com.hk
- Facebook: PM
- What’s app: 請按此
- 電郵: info@cleanskincare.com.hk
- 電話: 2628 3242
- We Chat: cleanskincare
- Line: cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
