CLEAN Blog - 點解d脂肪粒越出越多㗎？可以點整走？

見到眼部附近出現一粒粒好似油脂粒嘅時候一般都會認為係脂肪粒，但其實係咪全部都係脂肪粒呢？會唔會有其他嘅可能性？今篇就分享更多資訊俾大家知啦：

脂肪粒其實係一種稱呼嘅詞語?

醫學上其實冇脂肪粒呢種稱呼哦，而眼部附近出嘅粒粒一般常見有以下幾種可能性：

1.皮膚息肉

屬於一種皮膚增生嘅的良性組織，一粒粒垂釣係皮膚上，除咗會生係眼部附近亦會生係頸、腋下或其他皮膚摺疊處，出現嘅原因暫時推斷可能係遺傳或者過度摩擦譬如捽眼、捽面、雙臂和身體兩側磨擦等等，荷爾蒙嘅變化亦有機會產生息肉哦。要處理嘅話可選擇激光或者切除治療。

2.汗管瘤

形狀比較平面但密密麻麻，一般都生係眼部附近，顏色係肉色，出現原因係真皮層嘅汗管組織過度增生所造成嘅情況，主要係遺傳性而出現汗管瘤嘅，而處理方法都係用激光療程為主。

3.粟粒疹（油脂粒）

一粒粒好細粒嘅白點咁，就好似暗粒咁，出現嘅原因可能係新陳代謝較慢、經常捽眼等而導致皮脂腺嘅油脂同埋角質無法代謝，所以就好似石頭瘡或者毛囊閉塞嘅情況咁。雖然未有研究報告指出眼霜或保養品會導致粟粒疹（油脂粒）嘅出現；但亦建議避免搽過度滋潤嘅產品，如果一發現有粟粒疹（油脂粒）嘅時候就要暫停搽緊嘅眼霜哦。處理方法可以用人手挑走或激光去除都可以。

4.扁平疣

係一種過濾性病毒，主要透過人與人之間直接或間接接觸傳播，最常接觸到如手摸、毛巾或器具抓損患處，以上都可以令疣擴散到其他身體部位。而形狀同汗管瘤有啲相似；但時間耐咗會轉為啡色，而生長嘅地方就會擴散，譬如：眼、面、頸、身體都有可能，所以當您發覺有越生越多嘅時候就好大可能係扁平疣，而處理方法都係用激光療程較理想。

8.黃斑瘤

一般會生係內眼角（近住鼻樑），形狀係不規則嘅斑塊，凸面，淺肉色，就好似下圖咁。而呢啲斑塊其實係脂肪；但出現嘅原因暫時未確實，但大部份有黃斑瘤嘅人都有一個共通點就係血脂或膽固醇較高，所以當發現黃斑瘤嘅時候建議檢查一下身體喔。而處理方法有冷凍、激光同埋切除治療等。。