【凹凸洞不難處理，但越早理解【為什麼會有凹凸洞】和【如何去凹凸洞】的話，那改善凹凸洞的效果和改善的成效就越好】。其實大家生暗瘡時會唔會好像小編以前細個那樣，忍不住都會經常自己擠暗瘡，有時同一粒暗瘡擠不清就想要擠多幾次，但大了後先知原來咁做會好容易出現後遺症而形成左凹痕（即係凹凸洞），但我知道有啲朋友仔其實都冇擠過，但當暗瘡好番之後都會留下凹凸洞？咁究竟形成凹凸洞既原因係點架？點先可以避免形成凹凸洞？同埋點樣可以改善和淡化凹凸洞呢？今篇凹凸洞問與答會逐一解釋俾大家聽所有關於凹凸洞的一切。

凹凸洞問與答

為什麼會有凹凸洞？

• 擠暗瘡：過度和強行擠暗瘡令發炎組織受到破壞，真皮層(即係皮膚底層)受損後，纖維化組織會扯住表皮向底層拉，最後形成了凹凸洞。
• 經常生暗瘡在同一位置會傷及大量真皮層既膠原蛋白，有機會使真皮層皮膚凹陷而留下凹凸洞。
• 生水痘：由於生水痘時使真皮層發炎，當真皮層受損時會啟動細胞修復，過程中出現纖維化及下陷而形成凹凸洞。

凹凸洞有那幾種形狀？

經過我地既專業皮膚顧問指出，凹凸洞主要可分為以下3種凹凸洞類型：

1. 淺盒型凹凸洞(box scar)：凹陷既底部比較平坦和較淺，形狀帶圓形狀所以似盒狀凹陷，週邊外框較清晰明顯．
2. 滾輛型凹凸洞(rolling scar)：凹陷深至筋膜和真皮層，表皮開口範圍較寬大約4mm或以上，沒有明顯邊界，好似個小山丘中間向下凹落去．
3. 深錐型凹凸洞(ice-pick scar)：凹陷深至真皮層或更深，但表皮開口範圍較窄小於2mm，形狀似錐型狀．

形成凹凸洞後，凹凸洞皮膚會自己修復嗎？

如果係25歲前皮膚一般會較少機會形成凹凸洞，就算皮下膠原纖維受到破壞，但因為年輕嘅修復能力較好，所以皮膚會自己不斷再增生膠原纖維，進行自我修復。但係從25歲開始後，膠原蛋白會不斷流失，如果冇做好皮膚保養既話，流失既速度會比想像中快，所以凹凸洞改善既速度會越黎越慢，而凹陷既地方會越來越凹哦。最後就會形成嚴重嘅凹凸洞問題。

為什麼凹凸洞幾年後會覺得有嚴重咗？

• 隨著年紀增加，每年會自動流失膠原蛋白1％（即係每5年就流失5％膠原蛋白），而膠原母細胞既自製能力亦會減慢，所以承托力亦相對逐漸減少，令凹凸洞更明顯。
• 喜歡曬太陽，經常進行戶外活動或長期暴露係陽光底下，而又冇搽物理防曬既情況下，日積月累既紫外線UVA會進入皮膚底層去破壞膠原纖維層，進一步減少膠原細胞生長和加速膠原蛋白流失，從而令凹凸洞更明顯。
• 皮膚長期乾燥唔夠水份，導致新陳代謝減慢，從而令膠原增生亦相對減慢。
• 另外不良既生活習慣（如：睡眠不足、吸煙、飲酒、經常進食加工食物等）都會令膠原蛋白加速流失，從而令凹凸洞更明顯。

食軟骨、能補充骨膠原嗎？對凹凸洞問題有幫助嗎？

魚皮、雞腳、豬腳等食物既軟組織其實係脂肪而唔係膠原，食得多會增加身體脂肪既團積，但對皮膚、身體增加膠原就無太大幫助了。咁軟骨，牛根等軟組織食物呢？呢啲雖然唔屬於脂肪，但經過烹煮後會剩餘小量膠原，但食用後會經過消化作用，之後消化酵素會破壞膠原蛋白既結構，最後身體會以最細既胺基酸分子黎吸收並「重新組合」。所以就算我地食左呢類食物，到最後都唔會直接以膠原蛋白既形式被吸收，只會以『原材料』既形成吸收並分配到身體既唔同部位（比如關節、內臟、皮膚等），食完後係唔會直接去幫我地增加皮膚既骨膠原哦，所以對改善凹凸洞是冇太大幫助。

高糖的食物會加劇凹凸洞問題更嚴重和更快衰老？

攝取過多的糖份對身體會有負面影響，由於膠原蛋白被糖化後，膠原纖維會開始失去彈性，而膠原既增生速度亦會減慢，所以會令皮膚急速衰老，皺紋或凹凸洞問題亦會加劇。

單依靠搽去凹凸洞產品可以改善凹凸洞皮膚嗎？

產生凹凸洞嘅原因就係皮膚底層既膠原纖維已失去功能或已決小部份皮膚，所以先導致皮膚失去支撐並向下凹陷而形成凹凸洞。而產品既分子一般較大，難以進入到真皮層，另外產品能激活細胞既活躍度亦相對有限，而且要有效地刺激纖維母細胞生長因子同埋膠原蛋白增生係需要透過治療既能量熱力哦。所以去凹凸洞產品或許對毛孔問題能產生小小既改善效果，但如果真係凹陷左既凹凸洞皮膚，咁就建議進行針對做去凹凸洞既療程

要改善凹凸洞要先增加纖維母細胞？

纖維母細胞主要功能係製作不同既纖維黎維持身體正常運作，纖維母細胞對皮膚既好處有增加膠原蛋白纖維，令我地減少皺紋，令下垂鬆弛或凹下既皮膚（凹凸洞）得到支撐，回復平滑。而要增加纖維母細胞就要先增加纖維母細胞生長因子（FGF – Fibroblast Growth Factor），其實簡單理解就係『纖維母細胞生長因子 (FGF) = 種子』、『纖維母細胞 = 樹』、『膠原蛋白 = 果實』，意思就係用種子種樹之後就會生果實啦。所以要令凹凸洞皮膚變會平復那就要先增加纖維母細胞哦。

有什麼凹凸洞療程能夠去凹凸洞？

暫時較普遍的去凹凸洞療程有Venus Viva納米分段式射頻凹凸洞療程和激光凹凸洞療程（如CO2激光、PICO皮秒激光）

CO2激光能去凹凸洞嗎？

CO2激光亦叫分段式二氧化碳激光（Fractional CO2 Laser），當中既CO2係二氧化碳既化學分子式（簡單理解即係二氧化碳既簡稱）而稱之為CO2激光係因為儀器使用CO2作燃料將激光能量輸出將皮膚裡既水份子加熱直到蒸發點，令皮膚既纖維組織受到破壞，再等待皮膚慢慢修復同重組，從而改善凹凸洞問題。但缺點就係CO2激光需要將皮膚凹凸洞表皮去掉後再利用皮膚重組既原理來重組膠原纖維，從而「希望」能夠改善凹凸洞問題。而且療程後需要較長既復原時間和傷口處理問題，另外要留意傷口如果處理不當咁就有機會復原得唔好或者受感染風險。而且亞洲人既皮膚係收復既過程中較常會出現發炎後色素沉澱情況哦。

PICO皮秒激光能去凹凸洞嗎？

PICO皮秒激光嘅主要研究功效本身係去紋身色素，其次色斑方面亦可以改善，但至於凹凸洞皮膚可能會有幫助，但就唔係主要解決凹凸洞問題。

分段式凹凸洞射頻治療能去凹凸洞嗎？

分段式凹凸洞射頻儀器研發時就係針對凹凸洞問題，所以儀器不能去斑或美白等，只能去凹凸洞或改善膚質（如頸紋，眼紋，妊娠紋等）。射頻治療主要係利用機頭上既細針發放射頻熱能，並滲透到皮膚深度達500微米入真皮層，刺激纖維母細胞增生真皮層膠原蛋白，係修復過程中細胞既機制下會大量製造骨膠原，從而將凹陷既皮膚（如凹凸洞或皺紋）承托起來，有效撫平凹凸洞皮膚。而由於射頻熱力會停留在皮膚組織內不斷運行直到熱力散去，所以令膠原蛋白細胞快速持續增生，令療程效果更快和效果更顯著。療程後既第2日已經可以化妝，而復原期只需1-3日就已退掉面上的微紅，加上復原時間較短亦冇破皮或傷口性既問題，唔會對日常生活構成不便。

凹凸洞射頻治療做1次就有可能治好凹凸洞問題嗎？

由於凹凸洞問題係因為膠原纖維組織受到破壞而未能自我修復，加上年紀會令膠原不斷流失，所以無可能1次嘅療程就能改善。但給大家一個參考，雖然凹凸洞射頻治療做1次後就能見到凹凸洞皮膚有改善效果，但經過臨床經驗一般建議完成一個4至6次嘅療程後就會見到更明顯既改善哦。分段式凹凸洞射頻治療是一種非常有效改善凹凸洞問題的療程哦。

能試做凹凸洞射頻療程嗎？

如果想了解更多有關療程方面，以下有【凹凸洞】射頻療程問與答(FAQ)資料，或如想進行一次30分鐘免費的皮膚分析來了解自己既凹凸洞皮膚狀況，歡迎用以下方式聯絡我們。另外我地中心亦為第一次光臨既顧客提供一次約30% off的納米點陣式凹凸洞射頻療程試做，今個月登記既顧客更可以額外獲得1支30ml既透明質酸B5/B3精華哦，快d係下邊既圖片連結了解更多和登記試做去凹凸洞療程啦。

納米點陣式凹凸洞射頻療程FAQ

• 官網: www.cleanskincare.com.hk
• What’s app: 請按此
• Facebook: PM
• 電郵: info@cleanskincare.com.hk
• 電話: 26283242
• We Chat: cleanskincare
• Line: cleanskincare

免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．