玫瑰痤瘡的成因和改善方法 – CLEAN Blog

頁面內容大綱

當出現玫瑰痤瘡嘅時候其實都幾煩惱，除咗因為會影響外觀成日面紅紅啦，皮膚仲會好熱有不適嘅感覺，所以如果大家越早發現並及時處理嘅話就可以避免惡化。今次就等小編分享一啲有關玫瑰痤瘡嘅資料俾大家啦。

咩係玫瑰痤瘡？

玫瑰痤瘡（Rosacea）屬於一種長期慢性既皮膚問題，由於控制面部血管既神經系統出現失調而令面部過度充血，所以係初期常會出現皮膚泛紅情況，另外通常喺又熱又侷促既環境下兩頰會開始臉紅、感到灼熱等（譬如打邊爐、運動後或者曬太陽後），到後期就有機會生膿瘡或者出肉芽。

點先知係咪玫瑰痤瘡？

當出現以下情況嘅時候就係好大可能患上玫瑰痤瘡：

面部經常無故出現充血情形（泛紅）同埋灼熱和有輕微刺痛嘅感覺。
出現紅斑，微絲血管增生。
出現同暗瘡無異嘅膿頭。
鼻子長期充血變得紅腫，有疤痕增生等；亦即係酒糟鼻。

玫瑰痤瘡有邊幾個階段？

玫瑰痤瘡一共分左3個以下階段：

階段1：患者會較一般人經常性面部出現皮膚泛紅，原因係臉部微絲血管增生而引致

階段2：會持續皮膚泛紅，開始出現丘疹或膿瘡，一般集中在兩邊臉頰

階段3：因皮膚長期充血同增厚而導致鼻腫並開始增生肉芽，亦即「酒渣鼻」

如何醫治玫瑰痤瘡或酒糟鼻？

要處理玫瑰痤瘡醫生一般會建議選擇服食葯物或搽葯膏黎收縮血管，但如果係初段或唔想使用葯物嘅話亦可以選擇進行激光療程，激光療程選用長脈衝（Long Pulse）既激光熱能再配合長脈衝既時間，令皮膚下既血管收縮，從而減少面紅同膿瘡既情況，激光一般適合階段1和2嘅玫瑰痤瘡，但去到階段3（即出現酒糟鼻）就建議向醫生求診。

如果大家想了解更多『皮膚泛紅激光療程』嘅細節，我哋非常樂意為您做一次免費諮詢，為您解答如何能有效地去除泛紅問題和進行皮膚分析，另外我哋中心亦為第一次光臨嘅顧客提供一次半價嘅激光療程試做，可在旁邊嘅連結了解更多和登記哦：