美白產品可以去斑嗎?
相信好多人都有用美白產品,但亦有好多人問美白產品可以去斑嗎?呢次就等我地分享一下我地嘅心得啦!
大部分美白產品常見主要成份有:
– 對苯二酚 (Hydroquinone):化學合成品,可以破壞和分解已經形成嘅黑色素細胞,預防肝斑産生。不過高濃度長期使用會引起皮膚發炎,紅腫和過敏等,需要醫生指導下使用。
– A酸 (Tretinoin):屬於一種對皮膚帶有刺激性嘅藥物,主要針對痤瘡嘅外用藥物,但此藥物有副作用,需要醫生指導下才能使用.
– 麴酸 (Kojic acid):係一種天然嘅真菌代謝產物, 可抑制黑色素形成,具有美白功效,但日本厚生省用白老鼠實驗,發現會有機會致癌,所以要多注意該產品所含有嘅劑量才可使用.
– 維生素C (Vitamin C):以左旋維生素C效果較好,可以有抗氧化和修復傷口功效,保持皮膚健康.
但其實美白產品係可以短暫抑制黑色素增生或短暫減淡色素,但並唔係解決色斑問題嘅方法,因為:
1-) 用美白產品只可令皮膚短暫變白,唔會完全將黑色素分解.
2-) 長期使用美白產品只會過度抑制色斑嘅出現,反而會令皮膚細胞受到傷害.
所以我地建議首先做好防曬,因為我哋要防止色素嘅形成,之後可以用激光擊碎黑色素,令皮膚自然地還原透白嘅膚色.咁就可以美白得有效又安全啦.