深層斑嘅分類同結構.
上次同大家分享過表層斑嘅分類，今次就同大家講下深層斑嘅分類同結構:
1) 深層斑嘅分類 : 深層斑係當黑色素經由真皮層去到皮下組識而形成嘅斑塊，而係臨床上常見嘅深層斑有:
– 黑斑 (又稱荷爾蒙斑,肝斑, 黃褐斑, 蝴蝶斑)
– 胎記 (分為太田母斑, Becker’s母斑, 蒙古斑)
– 顴骨斑
– 等等…
2) 深層色素嘅形成: 深層斑嘅色素位於真皮層最底層嘅部份，色素呈大塊狀，厚度不均，高低不平，色素間隔中有褐色，藍黑色和暗藍灰色等．．． 我哋每一個人嘅皮膚內都有一種”黑色素母”嘅細胞．當皮膚受到紫外線嘅刺激，”黑色素母”細胞就會產生《自我防護》嘅反應，大量分泌黑色素去保護真皮層．但因為真皮層冇辨法自我分解色素，所以色素會逐步向下沉澱和堆積，令我哋嘅皮膚慢慢產生深層斑．
– 深層色素形成嘅外界因素: 使用過期／化學成份含有重金屬物質（如鉛，汞，砷）嘅化妝品，紫外線照射，輻射，飲食不均等等…
– 深層色素形成嘅身體內部因素: 遺傳性, 經常過度疲勞(嚴重睡眠不足), 營養不良, 內分泌失調, 荷爾蒙失調, 懷孕期, 壓力因素, 新陳代謝減慢, 膠原蛋白流失等等…
