其實是否真係因為脂肪游離而形成副乳呢?
相信大家都會聽過游離脂肪或副乳,但其實是否真係因為脂肪游離而形成副乳呢?不如大家一齊睇下:
其實形成胸部和腋下之間周圍凸出既{肉}有三種原因:
1.胸圍大少不適合:相信大家都有聽過游離脂肪,但其實脂肪係唔會游離或移動,因為脂肪係細胞既一種,脂肪細胞只會變大或縮小, 而脂肪係連接著真皮層和肌肉,所以脂肪係冇可能自由移動!極其量可以話因為所配帶既胸圍跟自己胸部形狀和呎吋不符而令脂肪擠壓出黎,產生{游離}既錯覺.
2.水腫或毒素積聚沉澱:由於一般女性每天配戴胸圍既時間長達10個小時之久,所以胸部周圍和腋下既血液循環較不流通,淋巴腺亦會因此而積聚過多毒素,令到該部位腫脹產生痛楚和外觀受到影響.
3.副乳:呢個字係一個學術性名稱,意思解為人體多出既乳房,因為我地係胚胎時期,從腋窩到腹股溝兩條線上會有6到8對乳腺既始基,出世後,只有胸前一對會繼續保留,其餘都會退化.但由於某D情況,這些乳腺始基並未能完全退化,所以就形成了副乳.而副乳有三種情況:有乳腺組織但無乳頭/無乳腺組織有乳頭/有乳腺組織又有乳頭
而家我地了解分別後,咁一齊再睇下可以點解決或預防:
1.胸圍大少不適合:選擇適合自己既胸圍,比如胸下圍要貼身,唔可以容易走位,以能夠放入一隻手指為準/胸杯要可以盛載住整個乳房,要貼著腋側唔應該有空位,但亦唔可以太緊,胸部脂肪唔可以被擠壓出杯外或腋側/著住唔應該有被壓住既感覺,或覺得呼吸困難及肌肉疲勞
2.水腫或毒素沉澱:可以透過做定期胸部護理或定期為自己按摩將積聚既多餘毒素排走,加強身體既血液循環從而減退水腫,美化胸部既線條和形狀
3.副乳:屬於先天性或自然性,所以應該諮詢專科醫生聽取專業意見.
總結: 胸部係我地女性既角度,係結合了身形美態和身體健康既重要部份,所以我地要多D了解和呵護身體每一個部份,就好似我地面部一樣,要經常去護理和保養哦.