我地今次想為大家介紹一款有效又實用既**DIY水份面膜**,建議大家一個禮拜要做一至兩次既保濕面膜去增加和維持皮膚既水份哦. 
材料有3樣: 

  1. 新鮮士多啤梨 —2個
  2. 有機蜂蜜 —1茶匙
  3. 純乳酪 —2茶匙 

功效:

  • 士多啤梨含有豐富既維生素和抗氧化功效,能為肌膚帶來強效補濕,滋潤和美白肌膚。
  • 有機蜂蜜可以軟化角質,為肌膚補充水份,改善乾燥問題。
  • 純乳酪有美白和控油效果,敷完你會感覺皮膚變得好幼滑和細緻。 

使用方法 :

  • 將草莓切碎或用攪拌機攪成糊狀,加入有機蜂蜜和純乳酪拌勻,敷在面部已清潔乾淨的皮膚上, 抹上時用指尖輕輕按摩打圈1分鐘,敷10〜15分鐘。用溫水沖洗之後塗上保濕產品。 

大家如果唔想用太多化學成份既產品,而又想皮膚變得健康有光澤又水當當,其實用新鮮或者用天然成份去做DIY面膜,都好有效又實用咖,大家都一齊試下做啦!

發表迴響

你的電子郵件位址並不會被公開。 必要欄位標記為 *

 上次講解完有關角質層,今次同大家分享一 款天然去角質層既方法啦. 

材料好簡單,只需要燕麥和原味乳酪! 

燕麥本身含有維他命B群,E,水溶性和非水溶性既纖維及亞麻油酸等等,有非常好既清潔功效,有效去除角質及清潔毛孔裡既污垢物.另外燕麥有平衡皮膚PH值,可以舒緩敏感,改善乾性皮膚.燕麥含既氨基酸成份係穀殼類最高,能夠鎖住皮膚既水份,還可以幫助傷口癒合. 

乳酪含有維他命B1,B2,B6,B12,蛋白質,鈣質及酵素等營養成分,有效幫助肌膚抗氧化,促進膠原蛋白合成,淨化毛孔及軟化角質層,令肌膚變得嫩滑柔軟,擊退暗啞泛黃膚色,增添光澤.為肌膚提供深層滋養和收細毛孔.

所以用燕麥和原味乳酪敷面絕對係最溫和又有效既天然去角質方法!以下分享點樣將燕麥乳酪變成有效既面膜啦:- 

  1. 首先將燕麥用小量溫水浸一浸,令到燕麥變成軟身
  2. 將軟身既燕麥放進原味乳酪裡攪拌 
  3. 敷在面上10分鐘之後洗面

大家敷完面,去除角質層後會覺得皮膚變得輕鬆,白滑,仲保濕添.可以試試哦...

發表迴響

你的電子郵件位址並不會被公開。 必要欄位標記為 *