DIY 暗瘡消炎MASK
CLEAN SKINCARE 小知識－DIY 暗瘡消炎MASK
唔知大家生緊暗瘡又發炎期間有冇敷mask呢？其實暗瘡發炎期可以用性質溫和既天然成份面膜去舒緩發炎狀況哦，但就要留意唔好用含刺激性成份如：酸性或化學性成份既產品，因為呢D成份會阻塞毛孔令暗瘡惡化．
所以今次我想同大家分享一款用天然成份做既「DIY暗瘡消炎mask」，呢款mask可以一個禮拜做一至兩次，令暗瘡發炎位置得到舒緩又可以快d復原．
材料有3種：
- 紅蘿蔔 1/3條
- 蘋果 1/2個
- 乳酪 適量
功效：
- 紅蘿蔔中含有維他命A，C，E和B胡蘿蔔素，茄紅素等，有效幫助暗瘡皮膚消炎殺菌，將炎症降低，抑制暗瘡惡化，加快暗瘡凋謝．
- 蘋果含有豐富維他命B1，B2，C 及胡蘿蔔素，煙酸（亦稱維他命B5 ），另外含有糖類，脂肪，蛋白質，果膠，鈣，鉀，鐵，鋅，纖維素，蘋果酸，鞣酸等等．幫助皮膚變得細滑，有滋潤，有抗氧化作用，而且幫助消除暗瘡．
- 乳酪內含豐富既乳酸，可以幫助皮膚去角質，有消炎殺菌和減退暗瘡功效．
使用方法：
- 首先將1/3條紅蘿蔔和1/2個蘋果清洗乾淨後，連皮放入攪拌機攪勻或壓爛成泥狀，然後混入 1：1 乳酪份量，攪拌均勻將面膜敷在臉上15-20分鐘，然後用清水洗乾淨，之後塗上保濕型護膚產品．
建議大家平日要保持皮膚乾淨乾爽，而且因為我地手指有細菌，所以係暗瘡發炎期間唔好時常用手觸摸哦 *^^*
