CLEAN Blog - 吸光或對光敏感是什麼意思？

有時都會聽到有客人話“ 我D皮膚會好吸光咖”又或者係“ 我皮膚有對光敏感咖”唔知可唔可以做激光治療呢？其實皮膚吸光同光敏感係兩種唔同既問題，但呢兩種問題都同「紫外線」有關，咁到底“吸光同光敏感”既意思係代表Ｄ咩呢？

首先講關於「咩係光敏感」

簡單ｄ理解就係一種皮膚對紫外線既過敏症，如果受到紫外線既照射或曬到太陽後，某ｄ人皮膚會出現紅疹，產生刺痛或痕癢等情況，呢ｄ就係紫外線過敏＝光敏感，而光敏感(Photosensitivity) 有分為兩種：

光敏感(photoallergy) 係經過紫外線照射後，只對皮膚造成表面既傷害，就好似曬傷咗時會出現紅腫同埋痛既反應，光敏感於約半數係系統性紅斑狼瘡既患者．
光毒性(phototoxicity)亦係經過紫外線照射後，誘發我地身體既免疫反應而造成既皮膚發炎，伴隨有腫脹，痕癢和痛楚，如嚴重時候更會形成水泡等症狀，然後皮膚會出現色素沉澱情況現象．

其實光敏感既成因係紫外線與皮膚上過敏物質之間既互動，可能係局部用既產品(如：香水、皮膚護理產品、藥膏)，還有服用既醫藥產品(如：抗生素藥、抗抑鬱藥、消炎藥等等)，接觸以上後光敏感情況未必會立刻發生，而係同陽光紫外線接觸後48小時後出現．

咁吸光又係乜意思呢？🤔

皮膚本身唔識「吸光」，但對光（亦即紫外線）會有反應，比如會溫度提升，會痛，會變黑等等，但呢ｄ係「反應」而唔係「過敏」，所以唔好混亂．

所以好多人話：我D皮膚會好吸光咖！其實正確ｄ黎講係：我D皮膚對光較易有反應，黑色素會較為活躍，所以照到紫外線後會比一般人較高機會出現色斑．

但皮膚對光較易有反應係因為先天性？當然唔係，除左某些人係天生皮膚對光較易有反應，其實外在因素亦會有影響哦，比如：

日常生活中，我地所選用既護膚產品和攝取既食物中，有某ｄ會造成和增加皮膚既感光度（＝提高對光既敏感度），因為護膚產品既成份同物質會通過皮膚吸收而食物就經過消化系統後會分布到皮膚組織裏，導致皮膚對光既敏感度提升，黑色素細胞亦會較為活躍，最後還造成色素沉澱，形成色素和斑點等情況．

但睇完以上分享又唔需要太過擔心既，以下分享點樣避免或造成皮膚對光敏感既事項：

應避免進食感光（＝提高對光既敏感度）既既食物如：田螺、油菜、菠菜、萵苣、無花果、香菜、芹菜、韭菜、紅豆等．
注意可能引發光敏感既藥物有： Fluoroquinolones類抗生素，A酸既抗痘藥物，Retin-A ，利尿劑hydroc-hlorothiazide，鎮靜劑Chloropro-mazine，口服抗生素四環黴素Tetracyclines，降血糖藥Chlorpropamide，非類固醇消炎藥Piroxicam，Naproxen，另外還有抗病毒藥物，抗黴菌藥物和抗精神劑等等．
注意可能會帶來光敏感既疾病有：先天性遺傳疾病如：柯凱因氏症候群 (Cockayne Syndrome)、布隆氏症候群症(Bloom Syndrome)、白化症、紫質沈著症(Porphyria)等，另外青春痘、酒糟鼻、異位性皮膚炎、日光性蕁麻疹與紅斑性狼瘡等疾病，以上患者也常出現光敏感反應．

總言之大家出外時應避免直接曝曬，盡量要保護好皮膚，同埋做好防曬措施，例如：攜帶有防曬度數既傘，穿上防曬薄外套，擦SPF30~50指數既物理性防曬產品等，咁就可以減少受到光對皮膚造成既傷害！而如果當你發現面上開始有色斑既出現，記得要去做皮膚分析，睇下自己皮膚既底層會唔有更多既色斑，及早發現係可以阻止色斑問題惡化哦！

如果大家想了解自己既皮膚狀況或想知道自己既皮膚底層會唔有更多既色斑，歡迎隨時用以下既方式聯絡我地。另外我地中心亦為第一次光臨既顧客提供一次半價去斑或去暗瘡印激光療程試做，而今個月成功登記試做就會多送一款激光療程（比如可揀激光去斑療程 + 毛孔緊緻激光療程或者激光去斑 + 膠原增生激光療程等等），除此之外仲會送🎁多1支30ml既B5/B3透明質酸補濕精華，快d㩒下面👇🏼既連結登記啦：