大家有冇發現身上既墨痣、色斑等情況會隨住年齡既增長而增加？但有無試過出現紅色的痣呢？而紅色既痣係咩黎架？好似有越來越多咁，同身體狀況有冇關係？今篇就分享一d資料俾大家作參考啦。

紅血痣既成因同形態

其實正確黎講紅血痣係分形態而唔係種類，因為一開始通常有一點紅色平面既痣，之後視乎每人既身體狀況而演變成其他形態。

紅血痣既出現一般係因年紀慢慢增加既時候，咁皮膚下既組織亦會慢慢老化同埋鬆弛，所以皮膚下既微絲血管亦會較容易出現擴張情況。而當d微絲血管開始擴張、增生、積聚既時候，咁就會呈現出一粒紅血痣係皮膚表面。而呢種情況一般都係中年過後出現。

同常紅血痣係唔痕唔痛既，但有部份既人因為身體機能、血液循環、生活習慣等等而令紅血痣會出現凸面或者周邊會見到紅血絲，好似蜘蛛網咁（如下圖）。

咁紅血痣係老化現象，咁即係唔洗理都得？

其實紅血痣一般係因為衰老或者遺傳而出現既，而一般情況都係唔痕唔痛既，但當然唔可以唔理啦，因為就以上所講，如果當您發現有平面既紅血痣但您唔理佢，咁之後就可能會出現蜘蛛網痣（spider angioma）或者凸面既紅血痣哦。而凸面既紅血痣可以去到1mm～8mm直徑不等，到時可能要進行切除療程先可以去除哦。

所以都會建議當您發現平面又未有紅血絲既時候就進行激光療程，用激光既能量係非創傷既情況下將增生左既微絲血管去除，其實就好似去暗瘡紅印咁，用長脈衝激光去除就得。一般1至2次就可以去除，如果有紅血絲伴隨既就可能1至3次。

但除左衰老或者遺傳既原因而導致出現紅血痣之外，仲有無其他原因？

有，雖然唔常見，但如果當身體既肝出現問題（如：肝硬化）既時候就會有機會出現紅血痣，因為身體既血液流動係要經過肝臟之後先會回流返心臟，但當身體有肝硬化或者肝功能異常既時侯，咁血液循環既情況會減慢，導致血液流動不通，慢慢就引起血流堵塞、聚積，導致微絲血管破裂而出現蜘蛛網紅血痣。一般都會出現係胸部、肚子等上半身皮膚上，所以當大家發現突然身上多左蜘蛛網紅血痣既時候就要立即去向醫生求診同檢查哦。

如果大家有平面既紅血痣或蜘蛛網紅血痣上去除既，歡迎用以下方式聯絡我地查詢更多有關紅血痣既長脈衝激光療程哦😉

• 官網: www.cleanskincare.com.hk
• What’s app: 請按此
• Facebook: PM
• 電郵: info@cleanskincare.com.hk
• 電話: 26283242
• We Chat: cleanskincare
• Line: cleanskincare

免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．