前幾日同中心既同事傾計既時候得知，最近多左顧客問關於凹凸洞射頻治療既細節，聽到話其中一位顧客問到：『問點解啲凹凸洞會越來越明顯既？已經冇生暗瘡亦冇再擠啲皮膚啦，本來唔係好覺既凹凸洞但慢慢變得越黎越凹咁。』覺得呢個問題可能對某部份有凹凸洞皮膚（或叫暗瘡疤）既人會有同感，所以就想係度分享小小去凹凸洞方法心得。

之前都有分享過一啲文章係關於去凹凸洞改善方法同埋凹凸洞原因既心得，而文章內亦提及到其實形成凹凸洞皮膚（或叫暗瘡疤）既原因一般有兩種：

1. 皮膚組織受到破壞（如過度和強行擠暗瘡，曾生水痘等）
2. 經常係同一位置生暗瘡

形成凹凸洞後，皮膚會自己修復嗎？

如果係25歲前發生以上情況，皮膚一般會較少機會形成凹凸洞，就算皮下膠原纖維受到破壞，但因為年輕嘅修復能力較好，所以皮膚會自己不斷再增生膠原纖維，進行自我修復。但係從25歲開始後，膠原蛋白會不斷流失，如果冇做好皮膚保養既話，流失既速度會比想像中快，所以凹凸洞改善既速度會越黎越慢，而凹陷既地方會越來越凹哦。

咁點樣先可以將凹凸洞回復到正常嘅皮膚啊？

無論係25歲前或後，如果想修復凹凸洞首先就要有個概念就係要越早處理，修復凹凸洞嘅速度就會越快同埋越理想，因為年紀越大，膠原纖維嘅合成能力亦會較差，所需嘅療程次數亦要較多。

現時處理凹凸洞問題嘅療程為較有效嘅有分段式射頻同CO2激光，雖然有其他激光，但原理都係加熱同埋係點對點形成，而射頻嘅擴散性會較好。所以今次主要針對分享分段式射頻同CO2激光嘅分別俾大家作參考：

咩係CO2激光？

• CO2激光亦叫分段式二氧化碳激光（Fractional CO2 Laser），當中既CO2係二氧化碳既化學分子式（簡單理解即係二氧化碳既簡稱）而稱之為CO2激光係因為儀器使用CO2作燃料將激光能量輸出將皮膚裡既水份子加熱直到蒸發點，令皮膚既纖維組織受到破壞，再等待皮膚慢慢修復同重組，從而改善凹凸洞問題。

咩係分段式凹凸洞射頻治療？

• 射頻治療主要係利用機頭上既細針發放射頻熱能，並滲透到皮膚深度達500微米入真皮層，刺激纖維母細胞增生真皮層膠原蛋白，係修復過程中細胞既機制下會大量製造骨膠原，從而將凹陷既皮膚（如凹凸洞或皺紋）承托起來，有效撫平凹陷皮膚。而由於射頻熱能會在皮膚組織內不斷運行直到熱力散去，所以令膠原蛋白細胞快速持續增生，令療程效果更快和效果更顯著。

兩者最大既分別就係CO2激光需要將皮膚表皮去掉後再利用皮膚重組既原理來重組膠原纖維，但就需要較長既復原時間和傷口處理問題，另外要留意傷口如果處理不當咁就有機會復原得唔好或者受感染風險。而且亞洲人既皮膚係收復既過程中較常會出現發炎後色素沉澱情況哦。

但分段式射頻凹凸洞治療後既皮膚復原只需1-3日就已退掉紅腫，而療程後既第2日已經可以化妝，復原時間較短亦冇破皮或傷口性既問題，唔會對日常生活構成不便。

所以為左不構成顧客既不便和有更好既效果，CLEAN SKINCARE 採用分段式射頻黎治療凹凸洞皮膚問題，如果想了解更多有關其他激光同分段式射頻既分別，歡迎隨時用以下方式黎聯絡我地或者預約免費做一次30分鐘既皮膚分析黎了解自己既皮膚狀況哦。又或者瀏覽我們的【凹凸洞】問與答懶人包哦

另外大家可能會問：我已經有做保養了喎，平時又敷下面膜，又食啲補充品咁，但點解啲凹凸洞都係變得越黎越凹既？有無其他形成凹凸洞原因啊？

其實有時雖然有做好保養，但可能另一方面缺乏保護皮膚同保養身體，比如冇搽好物理性防曬就出門、保養品既成份偏重化學或含有刺激性成份、缺乏作息時間、唔均衡既飲食習慣等。。。都會影響我地既皮膚狀態，所以除左要進行療程黎改善凹凸皮膚，係個人生活習慣亦要好好配合先至會事半功倍哦！

如果大家想了解自己既皮膚狀況或想知道更多有關去凹凸洞療程，歡迎用以下方式聯絡我們預約做一次免費既專業皮膚分析哦，另外我地中心亦為第一次光臨既顧客提供一次性嘅既納米點陣式射頻療程試做優惠，可在以下👇🏼既連結了解更多和登記試做哦：

• 官網: www.cleanskincare.com.hk
• What’s app: 請按此
• Facebook: PM
• 電郵: info@cleanskincare.com.hk
• 電話: 26283242
• We Chat: cleanskincare
• Line: cleanskincare

免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．