CLEAN Blog -面上既汗和油應該用印走既方式定抹走既方式較好？
最近天氣多變，又受風球影響，令到市區溫度濕度一直高企，但最慘係塊面係咁出油，搞到ｄ妝成日唔貼，經常要補妝，有ｄ朋友仲嚴重到係呢斷時間生多左暗瘡添。
一般如果發覺到開始油光滿面時都會立即用紙巾去捽或抹既方式去清潔，而有部份人就會選擇用吸油紙（或面油紙）印乾面上既油脂。甚至有部份人（男士較多）會入洗手間用清水洗。
但應該用印走既方式定抹走既方式較好，我會建議用輕印既方式，因為用抹既方式會有機會令皮膚變得鬆弛，就如不斷捽眼會令周邊既膠原纖維受損而令細紋增多，所以如果用擦或抹既方式會有機會令皮膚鬆弛，毛孔擴大等。
但如果用印既方式亦建議唔好用吸油紙（或面油紙），因為面上出油既原因係皮膚水份唔夠，所以造成水油失衡，令致皮膚要分泌油脂黎保護皮膚，所以如果徹底咁將油份印走或洗走但又冇為皮膚補水，咁出油既情況就會持續或出較多既油份，所以用一般既紙巾黎輕輕咁印走皮膚上既多餘油脂即可。
其實如果想解決面部經常油脂分泌出現過多既問題，首先就要令皮膚水份充足，之後就要盡量鎖住水份，咁面部油脂過剩既問題就可以得到解決啦。
如果想知點樣令皮膚水份充足，可參考我地Blog既保濕護理篇（保濕護理篇連結），如果大家想了解自己現在既皮膚狀況（如含水量，皮膚底層色素分佈等），歡迎用以下方式聯絡我們預約做一次免費既專業皮膚分析哦，另外我地中心亦為第一次光臨既顧客提供一次半價既高效面部注滲保濕療程（$375.00），可以係下面既連結登記哦：www.cleanskincare.com.hk/zh/trial.html
- 聯絡我們：
- Our website: www.cleanskincare.com.hk
- Facebook: PM
- What’s app: （按此）
- Mail: info@cleanskincare.com.hk
- Tel: 2628 3242
- We Chat: cleanskincare
- Line: cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
