CLEAN Blog -皮膚皺摺起既地方（如後頸處）有黑色一達達原來係皮膚病既一種？
唔知大家有冇係街上或公共交通上見過某ｄ路人既後頸有一達達黑色既皮膚？開始仲以為係因為ｄ皮膚長期摺住，所以ｄ污穢物停留係皮膚紋理上。但經了解後原來唔係咁簡單！呢種原來係皮膚病既一種，學名叫黑色棘皮症。
一般會發生係較為肥胖既人士身上，病發部位通常係頸，腋下，關節對摺位等，而女性會有機會係外陰位置，而病發初時唔會有任何感覺，但隨著惡化皮膚會變得越黎越粗糙，甚至外皮增生。
原因係同胰島素有關，因為當食得太多或太甜，咁我地既身體會產生胰島素抗性，意思係胰島素會因為負荷而變得緩慢或遲鈍從而令細胞吸收糖類變慢，所以身體就要再分泌更多既胰島素去吸收過多既糖份，使血糖指數降低，久而久之就會形成胰島素過多，但因為胰島素係儲存脂肪既地方，所以過多既胰島素就會不斷團聚脂肪並停止燃燒脂肪，最後會影響身體健康和體重。
而過多胰島素係身體內亦會刺激皮膚增生變厚，導致產生黑色棘皮症，雖然黑色棘皮症唔係甚麼嚴重既皮膚病，只要及早發現並採取適當既對應方法（如改變飲食習慣，持續運動等），咁就可以得到改善。
如果一直唔理會既話就會有機會形成嚴重既身體健康問題如糖尿病，結締組織病變（如紅斑狼瘡，皮肌炎，硬皮病等），惡性腫瘤等問題哦。所以一有發現就要開始採取適當既對應方法，如一段時間後都冇改善，咁就要盡快向醫生求診哦。
但有部分人係因遺傳而出現黑色棘皮症，另外亦有可能係荷爾蒙問題如：腎上腺功能不足、甲狀腺分泌不足等。嚴重既情況下可能係因為有癌細胞潛伏係身體裡，所以黑色棘皮症患者都會有癌症既潛在風險哦。
CLEAN SKINCARE 一直分享不同既文章係因為想俾大家一個集中既美容健康飲食網站，隨時隨地都能夠好方便咁搵到自己想知既資訊，而我地既護膚中心亦為大家公開所有療程價錢，提供一個透明既收費模式，讓大家安心、放心。另外我地亦為第一次光顧既客戶提供試做優惠，如想了解更多就㩒以下按鈕進入了解啦：
- 官網: www.cleanskincare.com.hk
- What’s app: 請按此
- Facebook: PM
- 電郵: info@cleanskincare.com.hk
- 電話: 26283242
- We Chat: cleanskincare
- Line: cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢。
