CLEAN Blog – 紅菜頭的好處
紅菜頭呢種蔬菜係香港可能會較為陌生，而中式食譜上亦較少見，通常係用作搾蔬果汁或整沙律時會用得比較多，但係紅菜頭呢種食材其實係非常有營養價值既，今篇就將紅菜頭既好處分享俾大家啦。
紅菜頭既原產地係源自西歐（瑞典、西班牙等國家），而紅菜頭既葉同莖部都可以進食，生或熟食都冇問題。
營養價值有邊d？
- 含有豐富既甜菜鹼，可比番茄、紫椰菜或其他紅色蔬菜有更高既抗氧化能力
- 紅菜頭既『錳』含量係所有植物當中最高的，錳同鐵結合成肝臟和紅血球所需的養分，另外紅菜頭含有豐富既葉酸，葉酸又係身體製造紅血球不可缺少的物質，所以對補血功能好有幫助
- 紅菜頭含有豐富的硝酸鹽，有助擴張血管作用，其中包括冠狀動脈，可增加心臟血液供應，從而令血壓降低
- 紅菜頭內有水溶性膳食纖維，可促進腸胃蠕動，幫助消化，調整腸道功能並協助礦物質吸收，亦有阻解決便秘問題
另外紅菜頭仲含有好高既維他命A、B1、B2、C、鉀、鐵等營養，但要注意當中既『硝酸鹽』會有機會變成『亞硝酸鹽』，而亞硝酸鹽有機會引起癌症，所以食用紅菜頭最好配搭一D含豐富有機維他命C既食物黎抵消體內既亞硝酸鹽，雖然依家未能完全證明紅菜頭與人類的腫瘤有直接關係，但係適量進食對身體係健康既。
如果有興趣想知更多關於食物既營養或好處，可遊覽飲食資訊和對皮膚的好處既文章分類哦！
