CLEAN Blog – 肩膊好緊？唔通係肌肉開始硬化？😱
返寫字樓工既如文員、設計師、銀行等工作應該會對今篇文章好有共鳴，因為近9成既人會感到成日肩緊膊痛，其實除左寫字樓工既人會係咁之外，其他比如做售貨員、速遞員或廚師既都會有同一情況。相信只有瑜珈老師才會較少有呢個情況，哈哈哈哈😂。
但其實肌肉點解會緊繃既？
好大原因係當持續同一個姿勢或長時間做同一個動作，咁就會令肌肉過勞而繃緊，因為肌肉既組成係由蛋白質纖維而成，試幻想就好似麻繩一條條交叉咁，當您用力扯既時候咁咪會收緊，而當您維持長時間繃緊時，肌肉纖維已經繑實晒，所以才會造成肩緊膊痛啦。但只需要慢慢按返d肌肉，令纖維放鬆同血液循環返就會慢慢好返。
但肌肉較弱既人亦會較容易出現肌肉繃緊而痛既情況噢，比如當你經常低頭玩手機但你頸部既肌肉弱既話，咁就變左要好吃力咁去承受頭部既重力，從而增加負荷和疲勞，導致肌肉處於經常繃緊狀態喔。
所以當大家工作時亦唔好忘記起一起身伸展一下，放鬆一下肌肉令血液循環更好，工作起黎都更加精神啦！另外安排運動行程，加強肌肉能力，從而減少身體負荷，如果可以加埋瑜珈拉根就更好啦😊
