暗粒、油脂粒同疣既分別 – CLEAN Blog
有時見到一兩粒細細既暗粒就會手痕想去唧左佢，但近排有位顧客佢都一樣以為係暗粒定油脂粒所以去用手唧，但之後見到越黎越多，仲要生到心口、頸都有，所以就過左去我地中心做左皮膚分析，點知原來係疣傳染到周圍都係，所以今篇分享下暗粒、油脂粒同疣既分別俾大家做參考啦：
暗粒、油脂粒同疣既特性
- 暗粒：係學術上稱為｢閉合性粉刺｣，引發既原因主要係角質過厚，毛囊下過多既油脂被封閉係皮層下，慢慢積聚到令皮膚凸起一粒粒既山丘仔咁。
- 油脂粒：油脂粒係黃白色既，摸時有d彈性而唔係呈硬粒，多出現係面上T字位、眼底或油脂分泌較旺盛既位置。成因通常同油脂分泌過多、使用過於滋潤性既護膚產品或沒有卸妝乾淨有關。
- 扁平疣：係一種過濾性病毒，主要透過人與人之間直接或間接接觸傳播，最常接觸到如手摸，毛巾或器具抓損患處，以上都可以令疣擴散到其他身體部位。
從外觀上油脂粒同疣會較為相似，所以有時會將疣誤以為係油脂粒，以下會分享下兩者既分別：
疣和油脂粒的分別
- 油脂粒比較細粒，唔會點變大。但疣既形狀大小會隨著時間變大。
- 油脂粒一般都會出現係面部既T字位或者眼下面，但疣就冇特定既位置生長，反而會隨著時間係其他部位逐漸增加。
- 油脂粒多數都係偏白色或黃色，而疣既顏色會隨著時間而有變化，首先出現係淺色到深色如：透明色＞白色＞肉色＞黃色＞淺啡色＞深啡色＞黑色。
- 如果數量突然有遞增，咁可能係扁平疣。
- 油脂粒既表面圓圓地咁，但疣就較平面。
- 油脂粒唔會痕，但疣有時會痕。
由於疣、暗粒、油脂粒既體積較細，所以一般情況下難以分別，如果分辨唔到或者有越生越多，建議用以下方式聯絡我地做一次皮膚分析，從而因應情況後會建議相關既療程俾您做參考噢😁。
- 官網: www.cleanskincare.com.hk
- What’s app: 請按此
- Facebook: PM
- 電郵: info@cleanskincare.com.hk
- 電話: 26283242
- We Chat: cleanskincare
- Line: cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
