搽補濕護膚品會有吉吉地的感覺？- CLEAN Blog
有時做激光療程前 / 後敷補濕面膜或者係屋企搽補濕精華既時候會出現吉吉地既感覺，之前唔會咁但點解最近幾次都會出現呢個情況？可唔可以繼續搽果d補濕產品㗎？想知就繼續閱讀全文啦：
一般有咩情況會產生呢種吉吉地既感覺？
- 敏感皮膚：比如曬完太陽、做完激光、太耐無做過任何護膚等
- 皮膚過乾：曬完太陽、做完激光、油脂分泌少、常用產品含酒精成份等
咁點解有以上情況就會有吉吉地既感覺？
因為我地皮膚既保護層就係角質層，而當經過以上情況後角質層會好似撬起左既魚鱗咁翹起晒，所以當搽上精華或其他補濕產品後就會直接接觸到皮膚既神經末梢而產生感覺，部份人既神經末梢會較表層，所以感覺亦會大d，而唔同既產品亦根據唔同既人會有唔同既感覺，所以唔係全部人都一樣會刺刺哦，或者之前冇但今次有都會有可能。
護膚品裡的滲透壓是什麼？
另一原因是滲透壓，簡單去理解滲透壓係一種液體既壓力，如果外來的液體壓力是高過或者低過我地皮膚水份既壓力，咁皮膚就會產生感覺，比如係傷口上洒鹽水會痛但生理鹽水就唔會，原因係兩者既滲透壓唔同，而唔同護膚品有唔同既滲透壓，皮膚唔同狀態亦有唔同既滲透壓。
所以搽完補濕護膚品有吉吉地既感覺係正常嘅？
所以如果下次搽完護膚品有短暫吉吉地既感覺係正常既，但如果係出現有灼熱、紅腫或者痛既感覺，咁就要立即用凍水洗掉，再用乾淨既棉花濕凍水敷係患處，但敷完幾分鐘後都冇好轉，建議向醫生求診哦。
如果大家想了解自己現在既皮膚狀況，歡迎用以下方式聯絡我們預約做一次30分鐘免費既專業皮膚分析，另外我地中心亦為第一次光臨既顧客提供一次半價既高效面部注滲保濕療程（$375.00），如想了解更多就㩒以下按鈕進入了解啦：
- 官網： www.cleanskincare.com.hk
- Facebook： PM
- What’s app：請按此
- 電郵：info@cleanskincare.com.hk
- 電話：2628 3242
- We Chat：cleanskincare
- Line：cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
