CLEAN Blog - 咩係無添加既護膚品？

其實無添加係好耐以前已經流行，而家除左係護膚品上會稱無添加外，食品亦有時會聲稱無添加哦，所以如果您未知咩係無添加，今次就分享俾大家了解下啦，想知多d就繼續閱讀落去了：

其實最早用無添加黎作賣點應該係日本，因為日本制定藥事法係1960年既時候列明左102種可引致過敏的成份，咁如果產品含有其中一種亦要係產品包裝上註明用黎提醒消費者，但唔代表該產品係無添加化學品成份哦，只不過係無添加到嗰102種可引致過敏既成份，所以係包裝上完全唔洗列出成分表，亦可標示為「無添加」。

所指既102種成分，共有防腐抗菌劑（31種）、界面活性劑（15種）、油性潤膚劑（10種）、激素（9種）、乳化劑（6種）、紫外線吸收劑（5種）、抗氧化劑（5種）、鹼劑（4種）、皮膜劑（4種）、保濕劑（3種）、消炎劑（3種）、色素（3種）、滲透劑（2種）、酵素（1種）、硬水螯合劑（1種）。

但係2001年起，日本已全面實施必須列明所有成分係產品上，所以以上既【無添加】就無效了。而今日既無添加係唔代表100%無添加化學成份，只要細心睇就會見到寫住無添加致敏防腐劑、人造香料等等，但就可能含有其他化學合成物如SLS起泡劑、人造色素、香料、酒精、石油副產品等等。

而香港既『商品說明條例』指引下，產品上如果無寫明係『百份百天然』，咁就可以寫上『天然』既描述，即係就算20種成份只有1種係天然既話都可以稱天然乜乜乜護膚品，之後只要係產品說明內解說：『此產品【含有】天然乜乜乜成份』就可以了。

所以購買產品前大家不妨用多少少時間黎睇下產品標纖，睇下會唔會有好多其他化學成份或者會令自己皮膚敏感既致敏成份啦，因為我地用既產品係日日夜夜長期咁用，皮膚吸收好既成份先會越搽越健康，相反如果係用咗唔合適既成份有機會引致皮膚出現慢性既問題。

另外CLEAN SKINCARE自家🇭🇰香港品牌既天然護膚品系列全部係🇦🇺澳洲製造哦，產品成份100%全天然植物提取🌿，系列包括爽膚水、洗面乳、潔面啫哩、面霜、保濕精華等等。。。適合不同類型皮膚如乾性、油性、暗瘡、敏感、泛紅、玫瑰痤瘡等。而且產品更🚫不含化學防腐劑、☠️有害化學物質、💀有害加工物質、🤢人造香料、人造色素等，而且絕對🙅🏻‍♀️拒絕動物測試🐰。按以下圖案進入網店了解更多啦👇🏼