保持年輕的秘密III -

Clean
Skincare 小知識 – 保持年輕的秘密III

分享左兩篇有關攝取天然食物，保健食品係可以令皮膚保持年輕和健康之外，但如果想內外兼顧，其實有一種護理可以有效地改善我地既膚質和使皮膚變得更年輕，而且仲唔需要好頻密地做添．係邊種護理？睇下Alice同Cathy既對話：

Alice:
咁多年冇年見，你皮膚依然咁靚同咁後生喎
Cathy:
呵呵，當然啦，我不斷keep住做Laser
Facial喎*^^*
Alice:
乜唔係有斑呀色素呀果D問題先做laser架咩，你都冇斑都可以做架咩?
Cathy:
冇斑都可以做架，laser
facial可以改善膚質，增加膠原增生，皮膚會變得細緻ｄ添！

其實除左有斑既人會做laser，冇斑既皮膚都可以做架，因為laser
facial對不同既皮膚狀況都有不同既好處架．

Laser
facial適用範圍：

想改變皮膚質地和想有美白效果：皮膚會變得更光滑細緻，均勻膚色
想改變皮膚鬆馳，皮膚老化現象和有細紋：皮膚會變得富有彈性，更緊緻幼嫩
想去除面部色斑，無論是淺層斑還是深層斑，儘管常用粉遮蓋，但都不能遮蓋掉
想去除皮膚晦暗粗糙、毛孔粗大、痘印、面部毛細血管擴張等問題
想改善面部暗瘡粉刺等問題

Laser
facial既原理和效果：－

激光會產生熱能，利用熱能既能量和波長傳達到我地皮膚既真皮層纖維母細胞，當細胞受到刺激，真皮層裏既膠原蛋白會重組和增生，皮膚中既酵素亦會移除老化既膠原蛋白，另外膠原蛋白既產生可以收縮毛孔，改善皮膚質地，皮膚變得更飽滿和有彈性，有刺激皮膚彈力纖維既收縮作用，可使皮膚收緊，促進表淺皺紋消失，激光既熱能仲可以刺激我地皮膚臉部血液循環，加速排毒將毛孔多餘既污垢物和油脂排出，幫助改善毛孔粗大粉刺等問題，增加膠原蛋白後既皮膚可以回復緊緻和年輕既狀態！

Laser
facial一個月
keep住做1-2次係就可以令皮膚改善不同既問題，但最重要係可以改變皮膚既膚質，使皮膚變得更年輕，睇落越黎越後生添@^^@

最後要提提大家就算有冇做laser
facial都要搽好防曬，防曬對於皮膚可以能否保持年輕係非常重要架，紫外線會令皮膚加速老化，防曬產品除左防曬仲可以防老添，如果再選擇加埋用天然成份既護膚產品，遠離防腐劑，化學成份等⋯⋯咁我地皮膚就可以保持年輕同健康喇~