好想快d可以去旅行呀!
CLEAN食玩行 : 好想快d可以去旅行呀!
已經踏入年尾了，大家既心情係點呢？期待，興奮，浪漫？我就梗係期待去旅行啦， 而家D機票咁平，雖然就要早小小要買定，但都係值得既！
一唸起要策劃行程就好開心，因為期待可以去見識到唔同既文化，食物，事物，環境，風景等等．．．而我覺得去旅行可以放鬆心情之餘，其實都係生活既一種態度，因為我相信大家每日都面對著不同既事和要處理既事項，而係不知不覺間呢ｄ事會慢慢係我地既情緒上累積然後再變成壓力．
所以如果我地唔去好好處理呢ｄ情緒既壓力，咁就有可能係自己都冇發覺既情況下開始產生負面情緒，跟住有機會影響自己身體既健康甚至身邊既朋友添，當然，要處理情緒壓力有好多方法，比如做運動，行山，聽音樂等，但我覺得去旅行既放鬆係深層d既，因為您所有既專注會轉移到新既地方，電話唔會不停咁響，眼睛亦唔會一直放係個電話螢幕上，而係將目光放係身邊既人和風景上，連呼吸既模式都會有小小改變．
係我既旅行途中有小小得著而又覺得幾有意義既事想同大家分享下，如果你地都有同感既話，不妨一齊都分享出黎啦*^^*：
- 可以認識到新朋友，接受新的想法，體驗每個國家中唔同既文化．
- 訓練自己更加獨立自主，一個陌生既環境尋找自己想去的地方，到達目的地．
- 學習與人一起相處之道，當有意見不一致既時候，點去互相遷就，互相包容．
- 明白到原來壓力和緊張會令到我地失去左微笑，而一個放鬆既心情會令笑容更加燦爛．
- 最重要心境開朗了，身邊既所有事情自然會變得更美好啦．
