CLEAN Blog – 皮膚敏感的原因?
上一篇講到唔同皮膚類型有唔同既特性，但敏感型肌膚既人會因皮膚敏感呢個症狀而感到煩惱，因為當敏感發作時皮膚就會變得緊繃，痕癢同埋有甩皮等症狀．．．而呢D症狀有時發作得頗頻密添，究竟有咩原因會令到皮膚變得敏感呢？有冇辦法可以避免或者減輕呢？
其實構成敏感型肌膚既其中一個原因係角質層一般偏薄弱，水份會流失較快，對外來刺激亦會較敏感，另外亦有其他因素如：免疫力系統反應，酸鹼度等都會另皮膚變得敏感，所以敏感型肌膚要比一般既肌膚做更多既照顧和保養，另外內在因素亦不可忽視，因為情緒同飲食習慣都會對皮膚有直接既影響哦，以下5點係較常會引發皮膚敏感既情況：
體質因素：身體免疫力降低時，新陳代謝會開始減慢，再加上受外界既有害物質或刺激性物質入侵，會容易導致皮膚有過敏症狀．
- 改善建議：做多ｄ帶氧運動，如跑步，跳舞，體能訓練等來改善血液循環，加速新陳代謝，排走體內和皮膚下既毒素，之後再加上為皮膚做好補濕和鎖水，令皮膚變得更健康更充滿水份．
生理因素影響：壓力，精神緊張，情緒激動等都會令抵抗力減弱，加上情緒會令賀爾蒙產生變化而影響皮膚質素．
- 改善建議：多做情緒控制訓練，多做內心調整，放假時可以參與做一ｄ平時冇做過既事來放鬆心情，比如未試過放假行山就試下，或者試下早ｄ起身做運動再搵一個舒適既地方享受早餐等等．．
氣候變化影響：皮膚未能及時適應或未能及時改用適合當時天氣既護膚品．
- 改善建議：秋冷天氣改用較補水同鎖水既護膚品，而春夏就以較爽身為主，這會因每人膚質唔同而有所不同，所以最好要多ｄ留意自己皮膚既變化．
護膚產品影響：當中含有香料，化學物質，酒精，刺激皮膚既防腐劑等等，都會令皮膚容易產生過敏．
- 改善建議：除左購買護膚產品時要看成份，亦可以留意我地既CLEAN 既POST-成份解碼，以下亦提供一個網站只需要輸入自己用緊既護膚品名稱，就可以Check下當中所含既成份啦：http://www.cosdna.com/cht/product.php
受紫外線影響：過度在日光曝曬下，皮膚容易變得失去水份和發紅，脫皮和灼熱感．
- 改善建議： 建議選購物理性防曬SPF 30既防曬產品，另外亦要注意選用無香料既(Fragrance-Free)成份哦．
希望今次分享完可以幫助大家明白到要增強皮膚和身體抵抗能力既重要性，令自己擁有更健康既皮膚狀況哦～
如果大家想免費做一次皮膚分析了解下自己既皮膚類型同狀況，歡迎用以下方式聯絡我們哦，
另外我地設有首次半價激光試做優惠，現在登記就會多送一款激光療程（比如可揀激光美白療程 + 毛孔緊緻激光療程），除此仲會送多1支30ml既B5/B3透明質酸補濕精華，快d㩒下面既連結登記啦：
- What’s app: https://goo.gl/wk4XnS
- Facebook: PM
- Tel: 2628 3242
- Our website: www.cleanskincare.com.hk
- Mail: info@cleanskincare.com.hk
- WeChat: cleanskincare
- Line: cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
