CLEAN 環保 – 廚餘應該點處理可以更環保?
｢廚餘｣係我地大家每日都要面對和要處理嘅事情，之前分享過廚餘既問題對香港環境有乜傷害和如何減少製造廚餘（可參考：珍惜食物減少浪費），而今次就分享如何將廚餘更環保地利用．
廚餘可分為｢生廚餘｣和｢熟廚餘｣，前者係指烹煮前既食材，比如果皮，未煮過嘅菜頭菜尾，瓜類等，而後者係經烹煮後所剩餘嘅：比如湯渣，飯菜，肉類之類等．
其實廚餘一方面係造成環境污染嘅垃圾，但另一方面亦可回饋給環境或社會，雖然香港暫時未有一個好完善既廚餘回收系統，但我地仍可以做ｄ簡單既事黎環保地處理廚餘既問題，以下分享兩個方法比大家參考啦：
廚餘酵素：有學者講過，做十萬桶既廚餘酵素，就等於種左一百萬顆樹，因為當你大量生產廚餘酵素時，所發出既CO2臭氧可以減少空氣中既廢氣同毒氣．
另外廚餘酵素用黎分解化學物質同油脂都好有功效哦，所以用黎做清潔劑就最適合，做法好簡單：
- 材料：黑糖（唔用其他糖因為黑糖含豐富既礦物質），生廚餘（只限蔬果類，因為肉類會發出腐臭味，如果想香ｄ就放多ｄ橙皮，檸檬皮或其他水果皮），水
- 材料比例：1:3:10
- 1份黑糖（如100g），3份生廚餘（如300g)，10份水（如1000g = 1公升)
做法：
- 將糖同水倒入有密封蓋口既塑膠容器內攪均，之後加入生廚餘，扭實蓋並寫上當日日期，再放係空氣流通既地方，唔好比太陽照到．（緊記只限蔬果類，另外唔好放太滿，容器內要留有空間，避免發酵時會滿出黎）
- 之後每日要打開蓋一次，因為發酵過程中會產生氣體，所以每日都要放一放氣，避免容器被撐破，最後攪一攪再扭實蓋．
- 發酵3個月後就用得啦，隔渣將液體倒出存放，需要用時可加水後用黎抹家具，洗地，洗衣等，如果有種植就可以稀釋一千倍黎用作肥料同除蟲用途，而ｄ渣可加新既材料再製造新酵素或攪碎加黑糖沖入廁所，有淨化糞池裡既氨既作用．
定期檢查放食物嘅地方，如果發現未食但又就嚟過期嘅食物，請捐出去！因為社會真係有好多人需要食物，香港有好幾間機構回收呢類食物，如：
- 惜食堂：http://www.foodangel.org.hk/zh/#/
- 膳心連：http://www.foodlinkfoundation.org
- 樂餉社：http://feedinghk.org/
- 等等．．．
而熟廚餘比較難處理，通常要經過工業方式黎處理，所以我地要惜食同埋要衡量自己既食量黎買食物或叫餸食飯．
其實要減少廚餘好簡單，最基本係每餐唔好煮太多既飯菜，唔好買太多食物雜糧導致產品過期，出街食飯食幾多叫幾多，咁樣可以慳錢又唔會製造廚餘哦．#^^#
