CLEAN Blog - 木材如ｄ木筷子，碗，鑊鏟等可以回收嗎？

之前我地分享過塑膠回收，金屬回收，玻璃回收等等既文章，而其實好多屋苑亦有呢ｄ物料既回收箱，但係好似冇乜見到有木製產品回收箱喎，其實有冇得回收木製廚具既呢？比如ｄ木筷子，木碗，木鑊鏟等．．．

係香港每日有大慨360公噸既大形木材如卡板，傢具，建築材料等會被運去堆填區，而可惜呢類既物料回收公司並唔多，因為廢木材既價值低，但運輸成本高，所以回收市場並唔活躍．

另外我地家中既木製廚具亦暫時沒有回收地方或方法，只能丟去堆填區，所以用木製廚具其實係唔環保既事哦，因為製造過程要鋸掉樹木（毀壞大自然生態），再用化學物質加工（污染環境），到我地用完後仲要冇得回收（製造廢物），所以呼籲大家避免再買木製廚具了，用金屬或玻璃類會較為耐用和環保．

另外有報導指出即用即棄既木筷子其實係好唔衛生，因為香港暫時未有任何對入口木筷子既監管條例，而大部份既筷子係來自內地，但好多木筷子又唔係用原材料製造的，而係用回收用過既筷子再加工消毒再推出市場，而消毒方法會以120度高溫消毒，而且亦會用化學物質或漂白劑，所以當我地用呢類含有化學物質或漂白劑既筷子進食時，該化學物質或漂白劑亦會進入我地身體內，最後誘發氣喘或其他身體慢性疾病．

而傳聞亦指出木筷子上端既圈圈係代表已經回收左幾次既次數，最多能回收三次，但當然亦有不法商家會隱瞞回收次數並繼續推出市場．另外亦有機會用硫黃熏蒸或雙氧水浸泡已發霉的筷子，再用工業石蠟拋光之後推出市場．

其實即用即棄既木筷子係好方便，但係經過了解以上既製造過程，相信大家會對即用即棄既木筷子有卻步既念頭，所以大家叫外賣時唔好再用即用即棄既木筷子啦，而木製廚具雖然係好靚，好有大自然既感覺，但亦都好唔環保之餘又會容易發霉，另外ｄ調味料又易『食』左入去ｄ木紋裡面，難以清洗，影響健康，大家都不如開始棄用木製廚具，保護樹木，減少廢物，食得健康又環保啦*^^*

CLEAN SKINCARE 一直分享不同既文章係因為想俾大家一個集中既美容健康飲食網站，隨時隨地都能夠好方便咁搵到自己想知既資訊，而我地既護膚中心亦為大家公開所有療程價錢，提供一個透明既收費模式，讓大家安心、放心。另外我地亦為第一次光顧既客戶提供試做優惠，如想了解更多就㩒以下按鈕進入了解啦：

激光療程試做優惠登記