銀飾品點解有時會帶到令皮膚變黑？ – CLEAN Blog
相信無論男士或女士們有時都會帶下ｄ銀飾品比如戒指，耳環，頸鍊等等。。。但唔知有無試過帶戒指或頸鍊後皮膚會變黑色左？而有時反而係我d銀飾品變黑而唔係皮膚變黑，之後我媽話因為個人有火所以ｄ銀吸左d火出黎。。。Well，今次不如從科學ｄ既角度睇下點解帶銀飾品點解有時會令皮膚變黑又或者D銀飾品變黑啦．
其實銀飾品本身係唔會令皮膚變黑，但一定要925或990銀先係，因為市面上有ｄ飾品為左降低成本，會夾雜左銅呢種物料黎打造銀飾物，所以有時帶完一ｄ飾品後會發現皮膚變左綠綠黑黑咁．
但點解銅會令皮膚變得綠綠黑黑咁？因為銅係空氣中會慢慢同氧氣產生一層紅色的氧化銅，然後氧化銅會再同埋空氣中既二氧化碳結合，之後就會產生左一種綠色既物質，就好似生鏽咁，而呢ｄ綠色既物質就會黏住係我地ｄ皮膚上，所以會見到ｄ皮膚變左綠綠黑黑咁．但呢種物質有機會令皮膚致敏，所以都係唔好帶用銅打造既或含有銅既飾物了．
而銀飾品變黑既原因係氧化，因為空氣中有少量既硫化氫氣體或硫離子，之後當呢種物質同銀接觸時就會產生化學作用，令銀器變黃，再慢慢出現一點點黑斑咁，最後就慢慢擴散令銀器變黑了．
而人既汗亦含有少量既硫同酸性，所以當人體既酸性越高，令銀器變黑既機會亦會越高，但就唔會好似銅器咁產生綠色既物質而有機會引致皮膚敏感，所以配帶銀飾物係安全過配帶或含有銅既飾物哦．
如果大家想免費做一次皮膚分析，了解下自己既皮膚情況？歡迎用以下方式聯絡我們哦，另外我地中心亦為第一次光臨既顧客提供一次半價試做不同種類既皮膚治療，可在旁邊既連結登記哦：http://www.cleanskincare.com.hk/zh/trial.html
- 官網： www.cleanskincare.com.hk
- 激光護膚療程試做登記：按此進入
- Facebook： PM
- What’s app：請按此
- 電郵：info@cleanskincare.com.hk
- 電話：2628 3242
- We Chat：cleanskincare
- Line：cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
