碳水化合物是致肥的原因嗎?
CLEAN Blog-碳水化合物是致肥的原因嗎?
相信好多女士都已經不斷開始緊自己既Keep Fit大計了，比如做乜運動啦，一星期去幾次，每次幾耐，仲有就係食ｄ乜唔食ｄ乜等等。。。而最常聽到既係唔好食碳水化合物啊，會變肥架，最好就戒食碳水化合物，比如飯，麵包等。
小編我自問都好中意運動同對食物方面有些許研究，而以上說法其實可以再全面ｄ黎表達，今篇就分享有關呢一方面既資訊俾大家，等大家有多一個選擇啦*^^*
碳水化合物（carbohydrates）其實係一樣由幾種唔同既元素而合成既化合物（唔係化學物哦），主要係為身體提供能量（亦即熱量kilocalorie），而碳水化合物可來自三大類食物：
- 糖：冇論水果既糖，食物裡既糖都可轉為碳水化合物
- 澱粉質：麵包，飯，麵等等都可轉為碳水化合物
- 纖維：蔬菜水果有既纖維都可轉為碳水化合物
但除左碳水化合物能為身體提供能源之外，脂肪同蛋白質亦同樣可以為身體提供能源哦，但身體會先使用碳水化合物和脂肪作能量，之後先會用蛋白質，但脂肪係要靠碳水化合物黎燃燒，點解？睇下以下既比喻就會明：
- 身體=火車
- 碳水化合物=細柴
- 胰島素=火爐
- 脂肪=粗木
- 運動=火
好啦，綜合以上幾個角色既運作就係：當火車（身體）要動力（能量）時就要有個火爐（胰島素），將ｄ木放入去燒（因為胰島素既作用，被轉化既能量才能入到我地既細胞），但由於ｄ粗木（脂肪）好難先燃燒得起，所以要用ｄ細柴（碳水化合物）起火先，咁先能將ｄ粗木一齊燒，咁就能為火車（身體）提供動力（能量）啦。
但如果一直放粗木（脂肪）同細柴（碳水化合物），但個火（運動）又唔夠，咁就會堆積，慢慢細柴（碳水化合物）就會合成變做粗木（脂肪），咁就會變肥胖了。
其實只要控制唔好食多油高脂既食物，做運動前適量地吸取碳水化合物（如麵包，香蕉，運動既純碳水化合物啫哩等），運動後可食返ｄ高蛋白質同高纖既食物，適量食正餐亦無問題，如粥粉麵飯都得，但就最好量少，高蛋白質同高纖既食物，同埋記得要係訓覺前4個鐘先好食，如果一食完就訓就會將食物變成脂肪哦。
所以唔洗地獄式戒口先能keep fit既，只要衡量同計算好時間同分量就可以食住keep fit囉 *^^*
（＊）免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人士諮詢
