即食麵袋，拖鞋，燈泡不能回收？

CLEAN 環保 – 即食麵袋，拖鞋，燈泡不能回收？

自問小編我對環保都有一定既意識同支持，而有時係網上睇有關環保既資訊時都會睇到唔少有關外國既環保方法，有時會睇到ｄ人分享佢地日常既環保方式，無論家中任何廚餘或雜物嘅分類一概做得非常仔細整潔同認真，但無意中發現就算係膠袋，膠樽，玻璃等普通物件原來唔係所有都可以攞去回收喎。

其實日常做回收分類時，每當見到一D疑似塑膠之類，例如：即食麵袋同埋拖鞋等。。都會認為可以放到塑膠回收箱，而燈泡亦會認為係屬於玻璃之類，就會放到玻璃回收箱等等。。。 但其實呢ｄ物件原來係唔可以作為回收用途㗎，等我以下簡短咁解釋一下啦：

• 拖鞋或者鞋之類，在製造過程中會加入咗大量既化學物料，分解或再造過程會造成水質或空氣污染，而且呢D有關產品亦會有機會包含金屬配件，所以係唔適宜循環再造哦。
•  即食麵包袋外層係玻璃紙，而內層就係含聚乙烯（polyethylene，簡稱：PE 係一種加入大量各種添加劑化學物質），所以稱為複合袋性嘅袋，呢ｄ物質會破壞環境，所以同樣亦唔可以作回收用途。
• 最後燈泡當中因為含有金屬同鋼絲，而發光部份為金屬複合物，較難分拆作回收用途，所以亦唔可以放入玻璃回收箱。
• 裝油既膠樽（PVC或PS膠料）或似同類製成品（例如：汽車機油樽等）：呢類既塑膠係回收再造過程中會帶有石油產品，從而產生化學作用，令環境受到污染，所以亦唔可以作回收之用。
• 即沖咖啡膠囊（capsule）同即食麵包裝袋，用膠製成既掃把同埋牙刷等，同樣屬複合塑膠物料，所以較難分拆回收之用。

另外如果鑵頭類就要清洗後才好放去回收哦，如果唔係就會吸引昆蟲或滋生細菌哦，而發泡膠原來係可以回收架，當初以為再造過程會散發有毒物質，但原來唔會，今年年初有一位有心人發起發泡膠回收項目，而且已獲得環境及自然保育基金撥款資助，從街市菜檔或凍肉鋪回收，為香港為海洋出一分力。

見到咁多人都為保護環境出一分力時，我就會提醒自己都要堅持呢分心同感謝呢ｄ有心人！大家都一齊努力啦！您我他都能做得更多更好！只要堅持同身體力行就可以了噢！