CLEAN Blog – 脂肪肝對身體既影響

香港較為常見既脂肪肝（學名：肝積脂病或肝性肥胖症）成因係營養攝取過量或飲酒過量下引致，而患有糖尿病，高血壓，膽固醇高或肥胖者為高危人士。其實關於脂肪肝病例係香港有大學過去幾年進行全面普查，主要係透過磁力共震和掃描檢驗被訪者，結果發現每4個人就有1個人患有脂肪肝，而且情況變得相當普遍和有年輕化趨勢添，而當中4％更有嚴重既肝纖維化和肝硬化情況。

肝臟有脂肪積聚本來係正常既，但當肝臟積聚過量脂肪，同時亦有肝發炎和肝臟受到破壞既情況，咁就形成肝積脂病。患者係開始時一般冇咩病癥，但隨著時間過去有機會變成肝臟結構改變和功能受損，由脂肪肝演變至肝纖維化或肝癌情況，所以要及時求醫，同時要注意飲食和生活習慣。

以下分享肝積脂病對身體既逐步影響俾大家作參考啦：

1. 肝臟代謝異常：如果由於營養過剩和肝臟代謝異常下而造成脂肪肝，係一般脂肪肝患者既初期係冇任何症狀和唔容易察覺，但之後慢慢有可能會影響埋其他器官產生其他疾病。
2. 脂肪肝係各種肝病既早期狀態：當肝臟功能受到一定既損害時，脂肪肝使肝內合成既磷脂和血漿脂蛋白減少，長時間落去就會影響神經和血管功能，並引起記憶力衰退和動脈硬化既情況。
3. 脂肪肝患者如病情惡化下，有機會引致慢性肝細胞纖維化和肝硬化既可能，有研究顯示『70％』既肝硬化患者最終會演變為肝癌，所以肝硬化被認為係肝癌前既狀態。
4. 全身各組織器官既功能衰退：肝臟脂肪堆積，使肝臟合成白蛋白既能力下降，而『白蛋白』（係身體一種非常重要的球狀蛋白的一種蛋白質）係維持各組織器官功能既重要蛋白質，白蛋白低既人仕食慾減低，疲倦無力，抵抗力下降，器官功能衰退和容易患上其他疾病。

脂肪肝患者在治療方面：

• 藥物治療：有藥物對脂肪肝有幫助，可減低脂肪含量和減低炎症受損情況。但由於唔係所有人都需要進行藥物治療，所以如有疑問可先聽取醫生既意見及處方下才服用藥物。
• 改善生活習慣：患者應保持健康既飲食習慣，限制攝入高糖類食物，多吃抗氧化食物，避免飲酒因為酒精會給肝臟帶來額外既壓力，要定時進行有氧運動，運動可以改善脂肪肝。

香港確實係一個美食天堂，各式各樣既食物都可以食到，但進食前都要注意身體健康呀，因為身體夠健康先可以一直落去咁享受美食同分享美食比身邊既人哦！

CLEAN SKINCARE 一直分享不同既文章係因為想俾大家一個集中既美容健康飲食網站，隨時隨地都能夠好方便咁搵到自己想知既資訊，而我地既護膚中心亦為大家公開所有療程價錢，提供一個透明既收費模式，讓大家安心、放心。另外我地亦為第一次光顧既客戶提供試做優惠，如想了解更多就㩒以下按鈕進入了解啦：

• 官網: www.cleanskincare.com.hk
• What’s app: 請按此
• Facebook: PM
• 電郵: info@cleanskincare.com.hk
• 電話: 26283242
• We Chat: cleanskincare
• Line: cleanskincare

免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢。