頭皮毛囊發炎既原因 -

CLEAN Blog – 頭皮毛囊發炎既原因

最近天氣又熱又侷，搞到行一陣就出曬汗笠黐黐，我地女仔既就更嚴重，頭髮因為侷住所以基本上要日日洗頭，但身邊d朋友多數係習慣隔日先洗，仲要每次用徹底去頭油既產品添。

雖然咁做可以令頭髮保持乾爽既狀態，但係長遠黎講就會有機會衍生頭皮問題或毛囊發炎，如想知點解會衍生頭皮問題就可參考：『點解會有頭皮屑？』

其實頭部既皮膚同我地身體其他部位既皮膚一樣係需要護理同多加注意，如果頭皮毛囊發炎就會形成痕癢，甩皮，紅腫，生膿瘡等問題。

而毛囊發炎既原因一般有：

頭髮產品成份Propylene Glycol (丙二醇) ，「對苯二胺」（PPD）或染頭髮用既雙氧水等都可致頭部痕癢等敏感或發炎反應而產生頭瘡。

頭部皮膚油脂分泌過剩，會容易滋生細菌，造成頭痕及生頭瘡等情況。

護理方法：留意頭髮既狀況，不要日日清潔（除非有特別原因），另外亦唔好選用清潔力太強既產品，因為如過度清洗都會令滋潤頭皮既油脂會不斷被洗去，之後又會分泌出更多既頭油去保護頭皮，呢個循環會造成水油不平衡下而不斷分泌油脂，之後頭髮笠又繼續不斷清洗，最後造成毛囊發炎。所以應保持少許滋潤度，令皮膚水油情況得到平衡就可以了。

因痕癢過度搔抓頭皮，導致發炎，也可引致頭瘡產生。