【激光去斑】知多啲由專業角度和知識來分享今次的激光去斑問與答
【激光去斑】療程雖然已經係市面上已經有一段嘅時間，但其實有好多唔同嘅去斑知識大家都可能未必知或者未必聽過，所以今次就等小篇我為大家分享嘅激光去斑問與答啦。
色斑（如雀斑、荷爾蒙斑、曬斑等）係點形成？
色斑（如雀斑、荷爾蒙斑、曬斑等）主要係因為受到外來嘅刺激（如紫外線、化學護膚品成份等）而令黑色素細胞分泌黑色素黎保護皮膚。又或者因為荷爾蒙變化亦會產生黑色素（如荷爾蒙斑）。
黑色素係保護皮膚，咁點解要做激光去斑？
當黑色素出現除了會影響外觀外，色斑沉著會造成皮膚癌嘅風險或演變成肉粒嘅風險（如曬斑變老人斑再變凸面黑色肉粒），為了皮膚健康所以建議進行激光去斑。
一直都無斑，無啦啦點解出咁多色斑㗎？
其實導致出現色斑（如雀斑、荷爾蒙斑、曬斑等）會有好多種原因，譬如紫外線、荷爾蒙變化、您嘅護膚產品成份、年紀等等，但最常見嘅原因係護膚產品成份（如酒精、化學或美白成份等）同紫外線。
點解美白產品會有機會令色斑越出越多？
原因係美白產品裡含有刺激性或感光性既成份（如：對苯二酚、果酸、麴酸），所以才會導致減低激光去斑療程效果或者出現反黑既風險，所以做完激光去斑療程後盡量1星前或後都唔好用美白產品。
但係聽人講美白產品可以去斑喎？
其實好多既美白產品都係抑制黑色素而令色斑『暫時減少』增生，而唔係將色斑徹底去除。而且該成份唔建議長期使用，因為該成份還是帶有刺激性的，當皮膚日積月累咁承受呢類既成份，最後就會出現副作用，到時皮膚既膚質同狀況可能會比未使用前更差。而且該類成份都係抑制效果，一旦停止使用就會出現反彈情況
去斑產品能有效去斑嗎？
絕大部份嘅去斑產品都係標示能有效淡斑，但唔能夠將色斑徹底去除，原因產品嘅滲透力未必能夠入到表皮層，真皮層就更加難，而且色斑係色素細胞，所以產品未能夠將色班色素擊碎，最多只能夠抑制黑色素分泌，所以一停用美白產品嘅話就有機會反彈。而且大部份嘅淡斑產品成份還是帶有刺激性的，所以不建議長期使用。
凡士林去斑？大家有聽過嗎？
凡士林其實只係一個牌子而唔係成份，而產品成份其實係石蠟，由石油提練出黎，屬於石油副產品既一種，而石蠟唔會有淡斑或去斑既效果或成份在內，因為石蠟主要功能係當天氣極度乾燥或皮膚出現㿺㿭（爆擦）情況而作護膚用途，就唔係用係美容護膚或去斑方面。而且停留太耐係面部既時候更會有出暗粒、暗瘡等問題出現添。
咁可以點去色斑？
現時較為有效嘅去斑療程係用激光去斑療程。雖然果酸去斑療程都有可能去斑，但只限較淡色嘅色斑和表層去斑，但去斑成功率未必高。
點解激光療程可以去色斑？
激光能量會被皮膚既載色體（即係血紅素、黑色素、水份）吸收從而解決皮膚既不同問題，所以不同類型既激光技術會對唔同既載色體產生不同既反應，而針對黑色素既激光當激光能量和黑色素接觸時，就會產生相對既反應將黑色素擊碎，之後會經新陳代謝排走，達到去斑效果。
激光去斑安全嗎？做激光去斑會唔會反黑㗎？
其實激光運用係去斑或其他護膚療程上已有數十年歷史了！技術上可以話係非常成熟，所以利用激光去斑係無問題既。而做完激光去斑療程一般係唔會反黑既，但如果冇搽全物理性防曬、冇避免治療期間搽美白產品、冇避免激光療程後搽含有刺激性和感光性成份產品嘅話，咁就好大機會造成反黑。
深層斑既種類有？
雀斑、曬斑、老人斑、咖啡牛奶斑、貝克氏母斑等。
深層斑既種類有？
荷爾蒙斑、顴骨斑、炎症後色素沉著（如暗瘡印）、太田母斑等。
做激光去斑療程要結焦先有效嗎？
唔係，其實正確黎講唔係結焦，因為要有傷口令血凝固才會有『焦』。所以一般做完激光去斑會結嘅係痂，而且一般只有淺層斑會有機會結痂，因為表層色斑透過結痂過程脫落，但深層斑就要透過體內新陳代謝排走。所以無論結痂與否係要視乎色斑種類同情況而定。
激光去斑一次能去晒d淺層斑嗎？
無太大可能，一般淺層斑既療程會建議做3次激光去斑或以上，深層斑（如荷爾蒙斑，暗瘡印等）就會需要更多次數。因為係同一位置既色斑需要做至少1-3次激光去斑療程先能夠將黑色素徹底擊碎，而每次都會分別係唔同既位置同顏色深淺黎處理，原因係主要考慮到顧客皮膚既安全，所以一次係冇辦法能將面上色斑去除。
激光去斑療程可以每隔一星期就做嗎？
激光去斑療程屬於高能量輸出既去斑療程之一，為左安全起見一般會建議顧客要隔3至4星期先可以進行一次激光去斑療程，所以相隔一星期既時間係唔足夠哦。
激光去斑療程痛嗎? 如果唔痛係咪等於冇去斑效果?
其實做每種激光去斑療程都會有唔同既感覺，唔同人唔同皮膚上都有所不同，而激光去斑療程一般都係有｢吉吉地｣既感覺，只不過有強弱之分，有痛或冇痛係因為皮膚接受激光後既反應，而反應係同一個人但每次亦可能有唔同，所以唔痛係唔等於冇效果哦。
如果大家想了解自己既皮膚狀況或想知道自己既皮膚底層會唔有更多既色斑，歡迎用以下方式聯絡我們預約做一次免費既專業皮膚分析哦，另外我地中心亦為第一次光臨既顧客提供激光去斑療程試做優惠，可在按下面相片連結了解更多和登記哦：
- 官網： www.cleanskincare.com.hk
- 激光護膚療程試做登記：按此進入
- Facebook： PM
- What’s app：請按此
- 電郵：info@cleanskincare.com.hk
- 電話：2628 3242
- We Chat：cleanskincare
- Line：cleanskincare
激光去斑FAQ簡短版
受到外來嘅刺激而令黑色素細胞分泌黑色素黎保護皮膚
美白產品係抑制黑色素而令色斑『暫時減少』增生，而唔係將色斑徹底去除。
絕大部份嘅去斑產品都係標示能有效淡斑，但唔能夠將色斑徹底去除，最多只能夠抑制黑色素分泌，所以去斑產品係抑制黑色素分泌而唔係將色斑徹底去除。
凡士林成分係石蠟，而石蠟唔會有淡斑或去斑既功效或成份在內
激光運用係去斑療程上已有數十年歷史了！技術上可以話係非常成熟，所以利用激光去斑係無問題既
唔太大可能，一般淺層斑既療程會建議做3次激光去斑或以上，深層斑（如荷爾蒙斑，暗瘡印等）就會需要更多次數。
荷爾蒙斑屬於深層斑
一般激光去斑係唔會有傷口，就算即日做完激光去斑療程亦可以即時化妝，但淺層斑過幾日後會結痂，到時要注意唔好用手抓同洗面時要輕力。
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
