CLEAN Blog – 卸妝油有咩主要成份，點解落到妝？
其實本身小編我就好少化妝，就算化都化好淡妝，搽下唇彩畫下眼線咁，但周不時會聽到ｄ同事講邊隻落妝油好，邊隻會整到成面暗粒，邊隻點點點．．．
咁我就諗到：係喎，卸妝油應該係大部份既女性每日必用既產品，所以我就搵下相關資料，了解多ｄ關於卸妝油既原理同一ｄ需要注意既事項黎分享俾大家．
其實卸妝油能夠卸妝既原理好簡單，由於大部份既化妝品都屬油性，所以淨係用水係難以清潔得乾淨，如果要將面上既化妝品洗走，咁就要用相同物質去融為一體再沖走，就好似當你用泥膠黐通告時，撕走後會有機會剩低一ｄ泥膠，咁之後通常就會用另一舊泥膠黐走剩低既泥膠一樣既原理．
但就算將｢油｣融為一體後只用水都係沖唔走嘅，所以卸妝油會加乳化劑，令水同油可以混埋一體，簡單d講就係：用卸妝油落妝時加水（做乳化），面上打圈（將油和水混埋一體），然後沖走．
而卸妝油既主要成份都係以油脂為主，有天然植物油，化學礦物油，和化學合成三種，選用天然植物油(不刺激皮膚)當然係最好，但如果要用後兩者既話，咁就必需要注意清潔部份，如果清潔做唔好，礦物油或化學合成油就會殘留係皮膚上，封閉毛孔，容易滋生暗粒暗瘡．
另外避免用即用即棄既卸妝綿用作日常落妝，因為乳化係要經過混合後才能發揮功效，所以用即棄卸妝綿係可以幫你落妝，但就唔夠徹底，最後日積月累，造成角質過厚，毛孔閉塞等問題．
最後提提大家，就算好似我咁，唔係常化妝既人亦要每日用卸妝油輕洗一次，因為我地用緊既防曬或其他保養品中亦含有微粒和油份，所以有冇化妝都要晚上用卸妝油輕洗一次哦．
如果大家想免費做一次皮膚分析了解下自己既皮膚類型同狀況，歡迎用以下方式聯絡我們哦，另外我地中心亦為第一次光臨既顧客提供一次半價試做不同種類既護膚療程，可在下邊👇🏼既連結登記哦：
- 官網: www.cleanskincare.com.hk
- Facebook: PM
- What’s app: https://goo.gl/wk4XnS
- 電郵: info@cleanskincare.com.hk
- 電話: 2628 3242
- We Chat: cleanskincare
- Line: cleanskincare
免責聲明：以上所載的資料只供參考用途，均不能作為替代執業西醫的建議．在採取任何行動之前，你必須與有適當資格的執業醫療人仕諮詢．
